Во денешната објава, германскиот економски дневник „Ханделсблат онлајн“ известува дека американските компании Ексон Мобајл и Шеврон заедно заработиле 91,1 милијарди долари во 2022 година.
Ексон и Шеврон лани заработиле повеќе, отколку што во 2021 година заработиле вкупно сите најголеми нафтени концерни во Америка и Европа.
Профитите на нафтените мултикомпании во минатата година достигнале вкупно 200 милијарди евра.
Гигантите во нафтената и гасната сфера профитираат од големиот скок на цените на енергијата, коишто првенствено се предизвикани поради војната меѓу Русија и Украина.
Редакцијата на германскот „Ханделсблат“ сепак цени дека бумот е нереален. Бритиш Петрол во своите предвидувања за пазарот на енергија цени дека глобалната побарувачка за нафта, веќе во 2035 година ќе биде намалена за 6 проценти во споредба со сегашната побарувачка.
