Со најмногу простор за нозе и најширока кабина во својата класа, електричниот Mercedes EQЕ SUV ќе ја доживее својата премиера на 16-ти октомври.
Платформата за новиот EQE SUV е истата што ја користат електричниот крстосувач EQS и неговата изведба за сите намени EQS SUV, како и самиот EQE, што во основата претставува електрична верзија на E-Class. Целосната дигитализација на кокпитот важи и за најновиот модел. MBUX-хајперскринот по целата должина на таблата е достапен како опција. Трите дисплеи со висока резолуција се поставени под заедничко стакло и изгледаат како да се еден дисплеј.
Во техно-мазната атмосфера на џиновскиот дисплеј стануваат уште повпечатливи големите отвори за воздух, во препознатливиот изглед на турбина. Тоа е воедно и целта на дизајнерите, преку отворите за воздух да се прикаже контрастот меѓу фина механика со висока технологија и дигиталните диплеи што изгледаат моќно како монолит. Средишната конзола исто така е дел од големиот дисплеј.
Како што масивниот дисплеј се издвојува просторно од таблата, така и рачките за вратите и копчињата за седиштата се поставени на сјајно лакиран панел, што „лебди“ над облогата во предните врати.
Посебност во кабината оддава спојот од напредни и традиционални материјали и бои. Може да се избира меѓу пет комбинации од бои, коишто го нагласуваат просторното чувство. EQE SUV нуди свет на прогресивни и луксузни бои од топли и студени тонови. Дизајнерите како пример посочуваат комбинација од топла и модерна балао-кафена боја, со техноидна нева-сива и бискајско сино-црна боја.
https://photos.app.goo.gl/xRxv94Dqh42KgfPo6
https://photos.app.goo.gl/hpw2TtAxYp23qntXA
Преградата што е изведена во легнатиот дел од средишната конзола, изведена е со поклопец што дизајнерите го нарекуваат „хибриден украс“ и којшто топлината на дрвото ја спојува со техничкото студенило на чист алуминиум. Шарата so ѕвездите на Mercedes во поклопецот е изработена со примена на напредна технологија, односно со најпрецизно ласерско „сечење“ на материјалот, до постигнување на потребната дебелина. Заднинското осветлување создава посебен ефект и ги издвојува ѕвездите на Mercedes во поклопецот.
Детал што се забележува на првите фабрички слики од внатрешноста на Mercedes EQE SUV е необично светлата боја на горните површини на кокпитот, коишто поради нивната директна изложеност на сонце, вообичаено се изработуваат од темен материјал, чијшто состав овозможува заштита од топлината и од УВ-зрачењето. Кај СУВ-варијантата на електричната E-Class, тој дел е изработен од светол материјал. Кога ќе се погледне одблизу, се забележува дека и материјалот е различен. Пред два месеци објавивме за Benova Eco Protect, новиот суперматеријал за автоиндустријата. Прашањето дали EQE SUV прв го користи тој материјал, останува отворено до премиерата во октомври.
https://photos.app.goo.gl/p1y8yXMW1AHnKLGD9
https://photos.app.goo.gl/1te1YGG61sCyqoBs9
Интервју со Славче Таневски, дизајнер на Mercedes-Benz EQS SUV
