Покрај тоа што во идната словачка фабрика на Volvo ќе се произведуваат електрични автомобили што се чисти за животната средина, ќе се користат и обновливи извори на енергија, сé во насока на долгорочната цел на шведската марка, да постигне целосна одржливост во секое подрачје од делувањето.
Volvo Cars денес соопшти дека ќе гради трета фабрика во Европа, со цел да се излезе во пресрет на зголемената побарувачка за електрични автомобили, како и да се обезбеди основа за натамошен раст.
Новата фабрика ќе биде неутрална во поглед на климата и ќе произведува само електрични автомобили. По 2030 година, Volvo ќе нуди само автомобили со погон на струја, а една деценија подоцна ќе постигне целосна неутралност во поглед на емисијата на стакленички гасови.
Фабриката во Словачка ќе биде третата точка во триаголникот на производство на Volvo во Европа, како најголем продажен регион на марката. Volvo во Европа произведува во Гент/Белгија и во Торсланда/Шведска.
[the_ad id=”69797″]
Во новата фабрика се вложуваат вкупно 1,2 милијарда евра. Таа ќе биде лоцирана во близина на Кошице, во источна Словачка, на оддалеченост од 1.050 километри од Скопје. Во регионот веќе има воспоставено широка мрежа од добавувачи, што секако дека претставува еден од клучните фактори за земјата да биде избрана. Фабриката на Volvo ќе биде петта автомобилска фабрика во Словачка, покрај фабриките на Kia (Жилина), Stellantis (Трнава), Volkswagen (Братислава) и Jaguar Land Rover (Нитра).
Very good news announced today! @volvocars establishing a new and climate-neutral manufacturing plant of electric cars in #Kosice. The Embassy of Sweden looks forward to supporting this important project. A good day for 🇸🇪🇸🇰 relations! @eduardheger @SlovakiaMFA @SweAmbVienna pic.twitter.com/0U4VsBoJrl
— Sweden in Slovakia (@SwedeninSK) July 1, 2022
Целта на Volvo Cars е годишната продажба да ја зголеми на 1,2 милион автомобили до средината на деценијава. Освен во Европа, Volvo произведува и во Кина, како и во САД (S60). Изградбата ќе започне в година, во 2024 година ќе се поставуваат производствената опрема и монтажните ленти. Словачката фабрика се очекува да биде пуштена во работа во 2026 година. Од Кошице ќе излегуваат електрични автомобили од новата генерација модели на Volvo.
Кошице е прва нова фабрика на Volvo во Европа по речиси 60 години. Фабриката во Торсланда беше пуштена во работа во 1964 година, а белгиската фабрика во Гент следеше една година потоа. Двете фабрики имаат капацитет за 600.000 возила годишно.
