BMW AG, што e кратенка за Bayerische Motoren Werke Aktiengesellschaft, односно во превод Акционерско Друштво Баварска Фабрика за Мотори, ќе купи акции од своите акционери во вредност до 2 милијарди евра.
Програмата за купување на акциите има првенствена цел да се вратат акциите и да се намали основниот капитал. На главното собрание одржано во мај годинава, акционерите го одобриле купувањето назад на акции во обем од 10% од основниот капитал, во период од пет години. Првата програма што произлегува од ова одобрување ќе стартува веќе во јули и ќе заврши најдоцна на 31-ви декември 2023 година.
Николас Петер, финансов директор на BMW AG: „Откупот на акциите претставува доказ за нашата континуирано висока финансиска моќ и за силната ликвидност. Благодарение на нашата оперативна сила и по целосно консолирирање на нашата кинеска компанија ќерка BMW Brilliance Automotive Ltd. очекуваме да ја задржиме нашата силна ликвидност.“
BMW to start 2 billion euro share buyback programme in July https://t.co/46gm6rg1H0
— Saffron (@PowerMcs) June 30, 2022
Директорот на баварскиот производител понатаму наведува дека од откупот на акциите ќе профитираат сите акционери, исто како и вработените. Освен од политиката на дивиденди, акционерите ќе заработуваат и од програмата за откуп на акциите, со којашто ќе се зголеми висината на оперативниот резултат по акција.
[the_ad id=”69797″]
„Со овој инструмент им нудиме вредност на нашите акционери и испраќаме сигнал за нашата долготрајна моќ на пазарот на капитал“, објаснува Петер.
