Шефот на Меѓународната агенција за енергетика, Фатих Бирол, предупредува за можно тесно грло во снабдувањето со гориво во времето на летните одмори. „Нафтените берзи може да се соочат со недостиг во претстојното лето“, изјави Бирол.
Претстојниот почеток на главната летна сезона во Европа и во САД, со масовните патувања, ќе доведе до зголемување на побарувачката за горива. Експертите предупредуваат на можноста од појавување недостиг во снабдувањето со бензин, дизел, но и керозин, посебно во Европа. Причината, зошто европските граѓани ќе бидат повеќе изложени на опасноста од нафтена криза, лежи во тоа што „државите се условени од испорака на сурова нафта од увоз, но исто така и нафтените деривати, односно горивата, се увезуваат масовно“ – предупредува шефот на меѓународната агенција за енергетика, Фатих Бирол.
Тековната енергетска криза, според Бирол е многу подлабока од нафтената криза во 1970-те години. Покрај тоа, кризата ќе биде подолготрајна. „Тогаш беше проблем само нафтата“, посочува Бирол. „Сега имаме нафтена криза, криза со гас и криза со струја во исто време“.
Експертот препорачува преземање мерки, како што е билетот од 9 евра во Германија, со којшто во времетраење од еден месец може да се патува со кое било јавно превозно средство во земјата. Бирол цени и дека мерката за намалување на брзината на возење по автопатиштата исто така може да помогне во ублажување на последиците од кризата.
Global renewable power is set for another year of record growth in 2022, adding 320 gigawatts of new capacity.
This would come close to matching the EU’s total electricity generation from natural gas.
More in our latest Renewable Energy Market Update 👉 https://t.co/DnOQiJJPQe pic.twitter.com/cDJKFUH6Ns
— International Energy Agency (@IEA) May 29, 2022
[…] https://automedia.mk/objavi/kriza-gorivo-odmori-predupreduva/ бензин, горива, дизел, енергетска криза, криза, криза од горива, нафтена криза […]