Audi e-tron изгледа како да е излезен од Стар Ворс

Тоа е четвртиот модел со 100% електричен погон што доживува домашна премиера во салоните на марките на Порше Македонија. По Volkswagen ID.3 и ID.4, по Porsche Taycan, следи Audi e-tron. Дизајнот на СУВ-моделот на струја потсеќа на ликовите во бело од Стар Ворс, но и со технологиите што ги содржи, овој автомобил не е далеку од жанрот на научна фантастика.

Во времето кога светот првпат ги гледаше епизодите од Стар Ворс, во автомобилите во секојдневието беше главна механиката. Мотор V8 на пиедестал, брегасто вратило во глава како огромен технички напредок наспроти OHV, турбонатполнење како привилегија на два или најмногу три модели на целиот пазар. Дури и во футуристичките студии што беа изложувани на тогаш можне важните салони на автомобили, уште не спомнуваа ниту процент од техниката што работи во автомобил од ковот на Audi e-tron Sportback.

Сцените од Стар Ворс почнуваат да се будат во меморијата веднаш кога човек ќе се соочи со Audi e-tron Sportback, наместен директно за пречек од врата, во македонскиот салон на марката со четирите прстени, со порака „Иднината е електрична“. Стормтрупер, на тоа личи овој петметарски СУВ, посебно со бела боја на каросеријата.

Погонот на e-tron Sportback е електричен, тоа е точно, но далеку дека погонот на струја е сé што овој автомобил поседува како посебност. Приспособливата воздушна суспензија, на пример. Тоа е техника што одамна е дел од автомобилската сцена и своевремено беше својствена за претседателскиот Mercedes 600, и секако, во Citroen DS, со хидропневматска суспензија. Од тоа ниво, до денешново, тоа е планетарна разлика.

Ако е Audi, нека биде СУВ, и нека биде купе: Сите традиции на марката со четирите прстени, заедно со традицијата на иновирање, во новиот Audi e-tron Sportback

https://photos.app.goo.gl/Z8emAAhAyrZQkhtcA

Купувачите на Audi e-tron Sportback можат да ја изберат воздушната суспензија при конфигурирањето на возилото – без доплата. Тоа е избор, чисто по желба на купувачот. Овој фантастично сложен систем, во основата овозможува безстепено дотерување на придушувањето посебно за секое тркало, вклучувајќи и посебно дотерување на висината на каросеријата. Врвен комфор во комбинација со врвни возни својства. Каросеријата се спушта самостојно при повисоки брзини (-26 mm над 140 km/h), а возачот може и сам да избере ниво и режим на работа, вклучувајќи подигнување на каросериајта за 50 mm или спуштање за 13 mm. Уште една посебност: Предната оска исто така користи пет водилки. Салонскиов примерок дополнително поседува спортска изведба на воздушната суспензија, којашто е дел од пакетот на спортската варијанта S Line.

Трик на дизајнерите: Кога ќе се здогледа натписот e-tron, првиот впечаток е дека тој е осветлен. Многу подоцна се открива дека тоа е боја, не е светло; Одличен ефект!

https://photos.app.goo.gl/KAnLEukkiNxzMGHz7

Функциите што произлегуваат од работата на предната камера исто така потсеќаат на „стандардна“ техника на вселенски брод. Овие системи што денес ги нарекуваме системи за асистенција, познавачите на Стар Ворс ќе ги споредат со техниката кај вселенските бродови што е суштинска за избегнување судир со астероиди. Масивна техника ја има оваа задача во Audi e-tron, вклучувајќи ги и неколкуте опции со коишто е надграден арсеналот од системи за асисценција во салонскиов електро-СУВ.

Дел од системите за асистенција во Audi e-tron Sportback 55 што се вградени дополнително во салонскиот примерок:

• Адаптивен темпомат · 130.076 денари
• Паркинг сензори со камера во 360 степени · 49.848 денари
• PCM City assistance paket (Audi pre sense rear, Audi side assist, предупредување за препречување пат при отворање врата, front and rear cross assist, matrix led светла) · 217.062 денари

Покрај тоа што Audi активира самостојно запирање при опасност од судир во возило (функционира до 250 km/h) или во пешак или велосипедист (до 85 km/h), вештачката интелигенција гледа дали на крстосница наидува возило од попречен правец или отспротива, и во случај возачот да не го забележи тоа или процени лошо, прво се слуша предупредување, а потоа следи и целосно запирање. Оваа функција се базира на радарските сензори што се вградени во носот на e-tron.

Маска само заради формата, не и заради функцијата. Повеќе е затворена од отворена, по вертикалните пречки се препознава e-tron

https://photos.app.goo.gl/ik1CK1JXvNDxQCHN9

Системите предупредуваат и при отворање врата на возилото, ако со тоа се попречи патот на возило што наидува или на велосипедист. Дополнително се вклучува и светлечката лента во вратата, за да се укаже на загрозувањето на безбедноста.

Меѓу опциите се издвојува и т.н. адаптивен асистент за возење, кој како ставка што е вградена во салонскиот e-tron чини 130.076 денари и во основата не е далеку од автопилот. Овој буквално заменик на возачот подзапира кога напред има побавно возило и одржува растојание, забрзува до наместената брзина кога ќе се ослободи патот, но и го држи возилото во сообраќајната лента. Системот ги препознава лентите на патот, возилата што се запрени покрај патот, го следи движењето на повеќе возила, не само на тоа што е директно напред. Сето тоа функционира во брзинско подрачје од 0 до 250 km/h. Во случај возачот да не реагира, системот од камери, радари, сензори го насочува возилото во помошната лента, го запира и во одреден случај активира повик до итна служба.

Во ова заоблување се препознава формата што дизајнерите на Audi ја почитуваат во опашот уште од Audi 90 Coupe

https://photos.app.goo.gl/xESoGFD9rWmNEEmM7

Четирите камери околу целото возило се веќе класична приказна во автомобили од овој ранг, меѓутоа кај Audi e-tron пак има нешто екстра. Возачот може да побара да се прикаже слика од тркалата, за да не го тренира сопствениот осет за тоа колку далеку се скапите бандажи од рабникот, туку точно да има увид во просторот. Панорамскиот приказ на ситуацијата околу возилото во агол од близу 180 степени, кога се излегува наназад, исто е функција што ја имаат понапредните системи.

Изобилството од технологии што ги поседува овој ексклузивен примерок со знакот на Audi се заокружуваат со матричните диодни светла, како опција вредна 217.062 денари – во пакет заедно со уште половина дузина системи за асистенција. Тоа е воедно и најскапата доплата во салонскиот e-tron. Функцијата на овие светла е на возачот да му овозможи максимално осветлено поле, без да се заслепуваат возачите на останатите возила – практично, исто како да се вози постојано со долго светло, со тоа што светлата не се соборуваат кога наидува возило отспротива, туку се исклучуваат само оние светлечки диоди што го насочуваат светлото кон тоа возило. Филмовите со анимирано вклучување на светлата.

Чоколадната страна на дизајнот на Sportback-изведбата на Audi e-tron

https://photos.app.goo.gl/LYNQyrfAXosZ3ALo7

Audi вложуваше многу во развојот на технологијата на светла, па затоа има уште еден степен над матричните диодни светла, а тоа се дигитални матрични диодни светла. Нивната екстра функција е проектирање анимации врз асфалтот, вклучувајќи и посебно осветлување на соообраќајната лента, па дури и користење податоци од навигацијата, за светлата да се подготват според патот уште пред возилото да дојде до местото. За таа опција, според германскиот ценовник, треба да се издвојат уште 4.500 евра.

…и уште еднаш

https://photos.app.goo.gl/3sWP7392fbNUbpp7A

Тоа се само неколу ставки, со коишто Audi e-tron Sportback покажува дека електричните автомобили не се гледаат „само“ како електрични, туку заедно со смената во погонската технологија, во возилата се случија уште многу радикални промени. Во поглед на технологијата, овој СУВ не е далеку од тоа што филмовите од научната фантастика ни го прикажуваа пред близу половина век. Во многу подрачја, овој Sportback е дури и понапред од фантазијата во првите епизоди на Стар Ворс.

За погонот, сé e мошне прегледно кај електричните автомобили. Audi e-tron Sportback е купе-изведба на e-tron, кој беше меѓу првите електрични модели од висока класа од „традиционалните“ марки. Примерокот во салонот на Порше Македонија е од средината на понудата во гамата на e-tron Sportback. Ознаката 55 quattro стои за моќност од 300 kW, што е над основниот 50 quattro со 230 kW, но и под спортскиот e-tron S Sportback со 370 kW.

Цена на изложениот примерок: 123.717 евра

• од тоа дополнителна опрема: 26.819 евра

Технички податоци · Audi e-tron Sportback 55 quattro 300 kW

https://photos.app.goo.gl/4Ucm8QYAUiZyFj96A

Фудбалерите на Баерн возат електрични Audi e-tron GT