за

Корона повторно: Фабриката на Tesla во Шангај ќе мирува подолго

Поради новиот бран корона, во кинескиот милионски град Шангај повторно се ограничува движењето. Фабриката на Tesla мирува.

Американскиот производител на електрични автомобили Tesla ќе го продолжи мирувањето на производството во својата фабрика во Шангај до четврток. Првично се планираше паузата да трае само во понеделник.

Како што пренесуваат агенциите Блумберг и Ројтерс, производството во фабриката на Tesla во Шангај ќе продолжи дури во петок. Поради раширувањето на корона-вирусот, властите наредија двостепено ограничување на движењето во градот со милиони жители. Мерките важат прво во една, а потоа во друга половина на Шангај. Натамошното раширување на вирусот ќе се запира преку масовно тестирање. Tesla објави дека целосно соработува со властите.

Фабриката во Кина е од посебна важност за Tesla. Кина е најголем автомобилски пазар во светот, а воедно во земјата работат бројни фабрики што испорачуваат автомобили за локалниот пазар, но и за извоз. Властите имаат крајно рестриктивен однос во поглед на корона, а од друга страна, шефот на Tesla, Илон Маск, познат е по својот критички однос кон делотворноста на мерките на ограничување на движењето.

Tesla ќе отвора втора фабрика во Кина

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Porsche Carrera GT: Купен за 450.000, продаден за 1,9 милион долари

Audi e-tron изгледа како да е излезен од Стар Ворс