Porsche организираше гала настан во Порт Мелбурн за одбележување на 70-годишното присуство на спортската марка во Австралија. Имаше и славенички автомобил, специјален 911 GT3 70 Years Porsche Australia Edition.
Специјалниот модел е заснован врз новиот 911 GT3 со пакет Touring. Ова е првпат Porsche да изведе посебна верзија од 911 GT-модел и воедно е прв специјален модел на марката за австралискиот пазар.
Во изработката на 911 GT3 70 Years Porsche Australia Edition учествуваа дизајнерскиот тим на Style Porsche, одделението за посебни нарачки Porsche Exclusive Manufaktur и огранокот на Porsche во Австралија. Моделот се одликува со бројни посебни детали во внатрешноста и во надворешноста.
Секако дека „Australia Edition“ ќе се изработи во ограничен број примероци. Каросеријата е лакирана во специјална боја од Porsche Exclusive Manufaktur. Тоа е „Fish Silver Grey Metallic“, како современа варијанта на „Fish Silver Grey“, бојата во којашто беа лакирани првите два примероци од Porsche 356, увезени во Австралија во 1951 година.
Австралија е вториот пазар на којшто Porsche почнал да извезува автомобили надвор од Европа, по САД.
https://photos.app.goo.gl/1vzZ9DVJfAAKAEEn7
https://photos.app.goo.gl/91jtHK1XdU6B9xzbA
