За претстојното издание на СЕМА Шоу во Лас Вегас, најголемиот салон за тјунирање во светот, Toyota подготви изведба од GR Supra со отстранлив покрив, по пример на Supra Mk IV. Автомобилот беше подготвен за прикажување уште на ланското шоу, но пандемијата ги отажа сите планови. Заедно со тарга-моделот, во следниот месец во Лас Вегас ќе се појави и GR Supra Heritage Edition.
Замислата со Toyota GR Supra Sport Top е да се оддаде чест на култната четврта генерација на Supra, што се произведуваше во 1990-те години, но никогаш не престана да биде актуелна на сцената. Дел од имиџот на спортското купе од пред три децении беше отстранливиот покрив. Техничарите на Toyota изработија верзија од новата GR Supra со отстранлив покрив и истата се надоврзува на GR Supra Heritage Edition, што својата премиера ја доживеа во 2019 година, исто така на СЕМА.
Двата автомобила, GR Supra Sport Top и GR Supra Heritage Edition ќе бидат дел од годинашната СЕМА, што почнува на 2-ри ноември. Новата изведба со отстранлив покрив е дело на Марти Швертер и на Toyota Motorsports Garage. Користени се бројни детали од стилот, но и од зафатите за подобрување на перформансите од Heritage Edition.
Тимот се соочил со големи потешкотии да го „отсече“ покривот, што и не би требало да биде изненадување, затоа што каросериската школка на GR Supra во голем дел е изработена од челик со висока цврстина. За половина час, со традиционалната техника тие успеале да пресечат одвај еден инч, односно 2,5 сантиметри.
https://photos.app.goo.gl/d8QBeSw14aCmJh1K6
Самиот покрив се состои од два дела, изработени од композитен материјал, со 3D-печат. За тоа беше задолжено одделението за истражување и развој на Toyota во Ен Арбор, Мичиген. Панелите се профилирани за да одговараат на стилот на каросеријата на GR Supra. Секако дека се извршени бројни зајакнувања по целата школка, за да се надомести отстранувањето на покривот.
Задниот дифузор е изработен рачно, а исто е подобрено и струењето на воздухот под возилото. Издувот завршува со две издувни цевки поставени средишно. Третманот во стил на Supra Mk IV завршува со тркалезните светлечки прстени во задните светла.
https://photos.app.goo.gl/4traJMuBNkBtKELNA
https://photos.app.goo.gl/gqQRQXcx7zHf6f5s9
https://photos.app.goo.gl/sALb47LCaSG8yy7W7
https://photos.app.goo.gl/81LkK5SEv6RVWr6U7
https://photos.app.goo.gl/kfPd13L2eJKT6nQd8
