На тест-патеката на Audi во германскиот град Нојбург на Дунав беше извршено предавањето на ексклузивните лимузини e-tron GT кои ќе им служат како службени возила на фудбалските ѕвезди на Баерн Минхен и на менаџерите на тимот.
Фудбалскиот тим со најбројно членство во светот учествува во поттикнувањето на електромобилноста. Петнаесет играчи и менаџери на Баерн Минхен ќе ги користат целосно електричните Audi e-tron GT и Audi RS e-tron GT како службени возила. Предавањето на премиум лимузините беше извршено во Audi driving experience center, тест-патека во Нојбург.
Поголемиот дел од кадарот на клупскиот менаџмент веќе користи Audi e-tron или Audi e-tron Sportback. Електрификацијата сега премина на уште повисоко ниво, со предавањето на престижните гран-туризмо на струја за 10 играчи на Баерн. Меѓу познатите имиња се Лирој Сане, Леон Горецка, Серж Гнабри и голманот-рекордер Роберт Левандовски.
Мајсторите со топката се уверија во динамичните способности на електричните крстосувачи на патеката на Audi, применувајќи ги возачките совети од тркачите Лукас ди Граси и Рене Раст, ѕвезди во Формула Е.
https://photos.app.goo.gl/3R7pQwJDp4iMWZ3M8
„Неверојатно е колку мазно Audi RS e-tron GT јури низ свијоците“, оцени Лирој Сане, кој понатаму посочи и на одличниот спој од уживање во возењето, дизајн, динамика, спортска нота и одржливост.
Audi е сопственик на пакет акции во фудбалскиот тим. Освен во возниот парк се вложува многу и во поставувањето електрични полначи на Алијанц Арената и во близината на стадионот.
