Toyota несомнено е меѓу „добитниците“ во корона-кризата, откако јапонската марка го зголеми уделот на европскиот пазар и ударот врз продажбата е далеку поблаг отколку кај некои конкуренти. Во такви услови, здравите компании единствено што преземаат е унапредување.
Европскиот огранок на Toyota (ТМЕ, Toyota Motor Europe) денес објави неколку менаџерски назначувања во својоата мрежа, кои ќе стапат на сила од 1-ви јануари 2021 година.
Марвин Кук, досегашен постар заменик претседател во производство во Toyota Motor Europe и во исто време претседател на огранокот во Франција, се унапредува во извршен заменик претседател во производството во TME. Во новата фуинкција, тој ќе биде надлежен за работата во сите фабрики на Toyota во Европа, во производствениот систем, логистиката, контролата на производство и процесното инженерство на Toyota.
Кацутоши Нишимото, моментно главен извршен кординатор во производството во TME и во исто време заменик претседател во производствениот систем на Toyota во TME, се унапредува во постар заменик претседател за европските фабрики и за поддршката на производствто во TME. Тој ќе биде надлежен за производствениот систем на Toyota, за фабриките, како и за здравствените и заштитни активности.
Госпоѓа Кајли Хименез се назначува за заменик претседател за кадар и иновации во TME, на местото на Франк Окојзор, кој претходно беше назначен за извршен директор на Toyota Connected Europe и за заменик претседател за технологии за конективност во TME. Хименес доаѓа од Toyota Latin America & Caribbean (TLAC), од местото на човечки ресурси и регионален административен директор, со повеќе од 20-годишно искуство во секторот.
Тиболт Пакет, моментно директор за истражување и развој на мотори и погон во TME добива дополнителна функција на директор за новиот бизнис со горивни ќелии во Европа, чијашто цел е да се забрза визијата на Toyota за водородно општество. Оваа бизнис гранка ќе ги здружи активностите поврзани со водородот на европско ниво, во поглед на продажбата, истражувањето, развојот и производството.
Уште голем број унапредувања на високи менаџерски позиции има во националните мрежи на Toyota, меѓу другото во Италија и во Германија, како и во фабриките во Велика Британија.
Сето тоа во табеларна форма изгледа вака:
| Name | From | To |
| Marvin Cooke | SVP, Manufacturing, TME, concurrently assigned as President, TMMF | EVP, Manufacturing, TME, concurrently assigned to VP, Production Control, TME |
| Katsutoshi Nishimoto | LCE, Manufacturing, TME concurrently assigned VP, Toyota Production System, TME | SVP, European Manufacturing Companies & Manufacturing Support, TME |
| Kylie Jimenez | HR & Administration Regional Officer, Toyota Latin America & Caribbean | VP, People & Innovation, TME |
| Thiebault Paquet | Director Research and Development, Powertrain, TME | Director Research and Development, Powertrain, TME, concurrently assigned as Director Fuel Cell Business, TME |
| Luigi Ksawery Luca’ | Director Mobility & Connected Technologies, TME | Managing Director, TMI |
| Mauro Caruccio | Managing Director, TMI | Toyota Financial Services |
| Andre Schmidt | General Manager, Sales & Marketing, Marketing Operations & Communications, TMNA | President, TDG |
| Alain Uyttenhoven | President, TDG | Retirement |
| Richard Kenworthy | VP, Production Control, TME | Managing Director, TMUK |
| Jim Crosbie | Managing Director, TMUK | President, TMMF |
>>> Кога ќе се вкуси Lexus: Рецепти од луксузната марка на Toyota
