за

Ducati има сосем нов Monster за 2021 година

Ducati ќе стартува во следната година со сосем нова генерација на Monster.

ducati monster 2021

Главниот носител на имиџот на италијанската марка е пречистен од секаков вишок, но остана и без решеткастата рамка од претходникот, како и без дополнителната ознака за работната зафатнина.

Моќноста на новиот Ducati Monster е зголемена незначително на 111 КС при 9.250 вртежи. Двоцилиндарецот во V со работна зафатнина од 937 сантиметри кубни сега директно е закачен со главата на моторот за кусата алуминиумска рамка. Ducati ја смали тежината без работни течности на 166 килограми. За тоа придонесе и помошната рамка во задниот дел, што е изработена од полимер зајакнат со фиберглас.

Наследничката на Monster 821 што е олеснета за 18 килограми, доаѓа стандардно со брз шалтер, тристепен ABЅ за свијоци со деактивирање на задното тркало, со контрола за брз старт и со Wheelie Control. Дисплејот од 4,3 инчи е изведен по пример на Panigale V4.

Заради подобра управливост, аголот на вртење на воланот е зголемен за 7 степени. Комплет за спуштање стои на располагање, доколку има потреба за тоа. Новина е изведбата Monster Plus со аеродинамичен оклоп околу кокпитот и поклопец за седиштето за совозач.

Испораките се очекува да започнат во април. Околу цените уште нема детали.

>>> Овој мотоцикл Ducati е како Lamborghini на две тркала

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota унапреди едно чудо менаџери во европската мрежа

Кадис семејство Каленикови Ка-Дис

Кадис одбележува 30 години присуство на автомобилската сцена