Дарко Јаконов
Кадис се вбројува меѓу првите приватни фирми во Република Македонија, основана од семејството Каленикови, којашто пред 30 години го започнува бизнисот со продажба и сервисирање на автомобили. Низ долгата и успешна историја, името на оваа фирма се поврзува со повеќе автомобилски марки, а честопати и со спектакуларни премиери на домашната автомобилска сцена, што во тие времиња бележи најголем напредок.
Главното историско поглавје во постоењето на Ка-Дис се поврзува со шпанската марка Seat. Со иновативните и свежи пристапи на браќата Каленикови, како и со вештиот менаџмент на госпоѓа Славка и господин Бранко Каленикови, Seat стекнува моќен имиџ на македонската сцена. Тоа резултира со одлична продажба и со еден од највисоките удели што шпанската марка ги постигнува на своите извозни пазари ширум Европа.
Домашните премиери на новите модели во организацијата не заостануваат зад европските, настаните неретко се тема и на главните вести. Не се пропушта и македонските новинари да присуствуваат на повеќе дузини светски премиери.
Во 2014 година, Ка-Дис ја прекинува соработката со Seat и се ориентира кон јапонската марка Nissan, вдомувајќи ја посебно во нов репрезентативен објект. Паралелно со тоа продолжува традицијата во работата со марките Renault и Dacia. Трите марки на француско-јапонската алијанса денес постигнуваат едно од највпечатливите присуства на македонскиот пазар, вклучувајќи и традиционална поддршка на бројни културни манифестации, но и чинови на општествена одговорност и хуманитарна свест.
Според последните статистики што компанијата ги објавила во 2015 година за своето дотогашно работење, наведени се вкупно 18.300 продадени возила и 65.000 влезови во сервис. Од Ка-Дис порачуваат дека се „горди на постигнатите успеси, општествено одговорни и хуманитарно посветени продолжуваме и понатаму по истиот пат“ и се надеваат наскоро да се укаже можност за заеднички да се наздрави во чест на значајниот јубилеј.
