Новoлансираниот седумсед СУВ на Kia го убеди жирито на Carbuyer со просторноста, технологијата и противвредноста. Британските автомобилисти ценат дека тој ги комбинира своите квалитети, за да создаде „многустран СУВ што им гази зад петиците на соперниците од премиум марките.“
На настан што се пренесуваше онлајн, Carbuyer ја одбележа 10-годишнината, како бренд што публиката го цени по темелните и јасни совети, кои им помагаат на купувачите да изберат вистински автомобил по вистинската цена.
На одбележувањето на својата десетгодишнина, Carbuyer ја одликуваше Ford Fiesta со посебната награда за „Car of the Decade“. Жирито заклучи дека во минатите 10 години, Fiesta најдобро ги застапувала потребите на вистинските купувачи на автомобили. Најпопуларниот автомобил во Британија и денес го ужива највисокото место на пазарот.
Наградите се кулминација на годината на промени и големи инвестиции во брендот Carbuyer, преку надградбата на вебсајтот. Тоа резултираше и со рекорден број посетители. Видео-понудата исто така е освежена и кабналот на youtube.com/carbuyer напредува постојано, со близу 600.000 претплатници моментно. Магазинското издание се печати редовно на секои три месеци.
Пол Филпот, претседател и извршен директор на Kia Motors (UK) Limited, коментираше: „Освојувањето на наградата од Sorento претставува исклучително достигнување, што им влева гордост и охрабрување на нашиот британски тим и на дилерите. Возилото е доказ за нашиот напредок како марка, откако стартувавме на пазарот во Велика Британија пред близу 30 години, понудувајќи висок квалитет, ефикасност и привлечни производи за растечкиот круг на клиенти.“
https://photos.app.goo.gl/Pp1JwTYbK8eTcMqe6
Благодарност за освојување на титулата искажа и Лиза Бранкин, директорка на Ford of Britain & Ireland: „Прогласувањето на Ford Fiesta за автомобил на деценијата од страна на Carbuyer е чест што ја овозможија нашите купувачи. Тие направија Fiesta да биде најпродаван автомобил во Велика Британија во континуитет уште од 2009 година. Денес, Fiesta излегува во пресрет на потребите на клиентите со моторот со благ хибрид и со модем за поврзување со апликацијата Ford Pass.”
Сите добитници на наградата Best Car за 2021 година од Carbuyer
● Carbuyer Car of the Year Kia Sorento (Автомобил на годината)
● Used Car of the Year, in association with BuyaCar Vauxhall Astra (користен автомобил)
● Carbuyer Car of the Decade Ford Fiesta (автомобил на деценијата)
● Best City Car Hyundai i10 (градски автомобил)
● Best Small Car Renault Clio (мал автомобил)
● Best Small Family Car Renault Captur (мал семеен автомобил)
● Best Family Car Skoda Octavia (семеен автомобил)
● Best Large Family Car Kia Sorento (голем семеен автомобил)
● Best estate Car Skoda Octavia Estate (комби)
● Best Small Company Car Mercedes A 250 e (мал службен автомобил)
● Best Company Car Tesla Model 3 (службен автомобил)
● Best Large Company Car BMW 530e (голем службен автомобил)
● Best Sports Car Mazda MX-5 (спортски автомобил)
● Best Convertible MINI Convertible (кабриолет)
● Best Hot Hatchback Ford Fiesta ST (спортско мини)
● Best Pickup Ford Ranger (пикап)
● Best Small Electric Car Renault ZOE (мал електричен автомобил)
● Best Electric Family Car Volkswagen ID.3 (семеен електричен автомобил)
● Best Large Electric Car Jaguar I-Pace (голем електричен автомобил)
● Best Hybrid Toyota Corolla Touring Sports (хибрид)
● Best Plug-in Hybrid Skoda Superb iV (приклучен хибрид)
● Best Large Plug-in Hybrid BMW X5 xDrive45e (голем хибрид)
● Best Customer Service Lexus (услуга за клиенти)
>>> Kia вградува 17 системи за асистенција во новиот Sorento
