Uber е заинтересиран за преземање на заедничката компанија за мобилност Free Now на BMW и Daimler. Од Минхен има потврда дека се водат преговори. Според објавите во германските медиуми, Uber нуди повеќе од една милијарда евра за Free Now. Засега нема реакција од Uber и Daimler.
Фирмата за услуги за мобилност Free Now им припаѓа во подеднаков дел на BMW и Daimler. Компанијата претходно беше позната под името mytaxi. Нејзините услуги за превоз се достапни во преку 100 градови, со повеќе од 100.000 возачи.
Бизнисот сепак трпи поради корона-пандемијата. Free Now е дел од поголемата заедничка инвестиција Your Now, во којашто двата германски производители учествуваат со различни активности, вклучувајќи јавно достапен возен парк (carsharing), паркинзи и полначи за електрични возила.
