Bentley објави нов филм со којшто го прославува моделскиот век на Mulsanne, преку бројните незаборавни моменти во минатата декада. Во видеото се опфатени сцени од првото појавување на комплетно новата генерација на Mulsanne на престижниот собир во Пебл Бич во 2009 година, до неодамна претставената завршна серија. Врвот на моделската кариера на Mulsanne ќе го одбележи ексклузивната „6.75 Edition by Mulliner“.
Со привременото ставање на работилницата на Bentley во мирување, поради корона-кризата, периодот на владеење на Mulsanne како знаменосец на понудата на британскиот производител ќе продолжи уште извесно време. Серијата од 30 примероци се очекува да биде завршена до крајот на летото. Секако дека станува збор за врвна рачна изработка.
Кога последниот автомобил од завршната и ексклузивна серија ќе ја мине контролата, којашто опфаќа 600 позиции, времето на Mulsanne ќе заврши и владеењето понатаму ќе му биде предадено на новиот Flying Spur – новиот модел неодамна беше прогласен за „најдобар нов автомобил во светот“.
Џејмс Бонд во романите на Флеминг вози Bentley, не Aston Martin
