за

Женева постави сообраќајни знаци со трудници, пензиониери, двојки

женева сообраќајни знаци жени
женева сообраќајни знаци жени

Во швајцарскиот град Женева се поставуваат сообраќајни знаци на коишто не се прикажани само мажи. Целта е да се укаже на рамноправноста на половите.

Швајцарскиот град Женева со новите сообраќајни знаци има за цел да укаже на рамноправноста на половите. Градот во четвртокот прикажа шест варијанти на сообраќајни знаци за пешачки премин. На знаците се прикажани двојки, пензионери, дами, трудници.

Градоначалничката Сандрин Салерно во изјава за информативната агенција ДПА изјави дека „идејата за феминизација на одредени сообраќајни знаци може да личи како анегдота.“ Но, во проектот се пристапува крајно сериозно. Целта е да се укаже на тековните случувања во општеството.

Женева е прв град во светот што повлекува ваков потег

Според Салерно, јавниот простор историски гледано секогаш бил замислен од мажи за мажи. Под превезот на неутралноста, на знаците најчесто се прикажуваат мажи. „На тој начин се засилува убедувањето дека некои личности, првенствено дамите, но и малцинствата, таму се помалку добредојдени од останатите,“ цени градоначалничката.

Во градот ќе се заменат 250 знаци, со новите шест варијации. Во Женева во моментов се одвива и проект за феминизација на имињата на улиците.

New photo by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Цел свет прави „сајбертрак“, може и од картон

Цел свет прави „сајбертрак“, може и од картон

toyota gama modeli

Toyota ги освојува возните паркови на фирмите во Германија