Неверојатно е дека минаа само седум седмици од претставувањето на Tesla Cybertruck. Најеобичниот пикап и воопшто автомобил инспирираше многумина да изработат сопствена изведба. Тоа ретко се прави поради одушевеност, многу почесто се прави пародија на електричниот камионет на Илон Маск.
Руската изведба на Tesla Cybertruck, изработена врз основа на Lada Samara, вклучувајќи го и нејзиниот погон, го обиколи цел свет, барем што се однесува на објавите за подвигот. Оригиналната и уникатна креација на „сајбер-ладата“ моментно се нуди на продажба, но во меѓувреме има уште еден проект што го привлекува вниманието. Станува збор за CyberKart.
Кусото видео не остава простор за сомневање дали CyberKart користи електричен погон. Чадот што излегува на сите страни потекнува од двотактен мотор. За разлика од оригиналниот CyberTruck со неговата каросерија од нерѓосувачки челик, ова „возило“ користи картон. Конструктори на ова возило се американските тркачи Џордан и Рики Тејлор.
Introducing. CyberKart. #CyberKart pic.twitter.com/LwEDzZO5ba
— Jordan Taylor (@jordan10taylor) December 25, 2019
Бидејќи браќата Тејлор не добиваа медиумски посети за време на производството на нивниот „сајберкарт“, за светот да биде во тек со напредокот, тие сами објавија фотографии директно од „производствената лента“.
We didn’t have any media visit during production, but here are some pics of #CyberKart on the assembly line. @RickyTaylorRace https://t.co/wE3jvGlx7c pic.twitter.com/ita7KsFskW
— Jordan Taylor (@jordan10taylor) December 26, 2019
Во изработката на Cybertruck со половина од оригиналната големина било вложено многу повеќе конструкторска вештина. Тимот зад јутјуб-каналот „The Hacksmith“ си поставил предизвик: „Колку е тешко да се изработи Cybertruck во размер 1:2?“ Резултатот од трудот се гледа на видеото. Во секој случај, било многу забавно при „производството“, исто колку што е забавно и за гледање.
„Каросеријата“ вистински е изработена од нерѓосувачки челик. Верно на оригиналот, тука исто работат три електромотори – од стари голф-карт коли.
И, најдоброто секогаш доаѓа на крај…
https://www.instagram.com/p/B6Yvl1qgc5a/
Рускиот Cybertruck има мотор од Lada и изработен е за 24 часа
