Намалената заработка на концернот Volkswagen лани, скуси и од платата на шефот Херберт Дис. Автомобилскиот менаџер од врвен ранг добил плата во висина од 6,1 милиони евра за минатата година. Тоа се 900.000 евра помалку отколку преклани.
Причината за намалената плата за Дис е во пониската таканаречена варијабилна компонента, во којашто меѓу другото се зема предвид и деловниот резултат – кој генерално е намален кај сите производители на автомобили, поради корона-кризата. Варијабилната компонента кај шефот на концернот Volkswagen е пониска за 2,2 милијарди евра.
Еден дел од намалувањето на платата ќе се надомести со дополнителен бонус што им се исплаќа на директорите на Volkswagen. Тој бонус се одредува според резултатот во претходните три години – од 2017 до 2019 година – кој на Дис му донесе дополнителни 1,8 милиони евра.
Годишната плата не може да се споредува директно. Лани во вкупната сума за Херберт Дис беше вклучено и плаќање, кое потекнуваше од пакетот акции што беше замрзнат по почетокот на дизел-кризата.
Платите на директорите на Volkswagen се состојат од фиксна основна плата, плус дополнителни постигнувања, како и два варијабилни составни делови: Едниот е бонус за тековната година, другиот е бонус за временски период од три последувателни деловни години. Вториот бонус се одредува во повеќе степени и подлежи на разни одбитоци. На пензиската сметка на Дис, лани пристигнале дополнителни 1,6 милион евра.