за

Mercedes најомилена марка во пет земји, Toyota во осум

Истражување спроведено онлајн во 23 држави имаше за цел да ги открие најомилените автомобилски марки.

Не е изненадување тоа што во Германија се најомилени германските премиум марки. На други пазари, луѓето имаат повеќе симпатии кон други марки, на пример Toyota.

Mercedes-Benz е најомилената автомобилска марка за Германците годинава. Во онлајн истражување, премиум марката со сребрената ѕвезда освои 21,8 бодови од испитаниците. Втора најомилена марка е Audi со 21,4 бодови, веднаш потоа следи BMW со 21 бодови.

Volkswagen е на четврто место, како најомилена големоволуменска марка со 17,3 бодови, по неа е Skoda со 14,3 бодови, прва не-германска марка на списокот. Втората половина од германскиот Топ 10 ја пополнуваат Volvo (13,6 бодови), Toyota (13,1 бодови) и Porsche (12,5 бодови). Деветтото место му припаѓа на Opel (12,4 бодови), пред Ford (12,1 бодови).

Во глобални рамки предводат јапонските и германските марки

Податоците се темелат на онлајн-интервјуа, спроведени меѓу февруари 2020 и крајот на јануари годинава. За рангирањето решаваат шест фактори: Општ впечаток, квалитет, сооднос цена квалитет, задоволство на клиентите, давање препорака за марката и имиџ како работодавец.

Во светски рамки, првите места во повеќето држави им припаѓаат на јапонските и германските производители на автомобили. Mercedes-Benz, освен во Германија е прв и во Велика Британија, Италија, Шпанија и Тајван. Со исклучок на Бразил, компанијата е во Топ 10 на сите 23 пазари во истражувањето.

Toyota на прво место во осум држави

Јапонскиот производител и примус во браншата за 2020 година, Toyota, ужива место на најомилена марка, меѓу другото во САД, Канада, Норвешка, Саудиска Арабија и во Русија. Volkswagen е меѓу најомилените десет марки на 13 автомобилски пазари, а прв е во Данска, Бразил и Мексико.

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

volkswagen херберт дис

Платата на шефот на Volkswagen пониска за 900.000 евра поради корона

Opel-Insignia-GSI-1984-Kadett-GSI

Opel ќе бара шанса на кинескиот пазар