Лимузината од средната класа Volvo S60 има благи промени во изгледот, има и нов инфо-забавен систем и нови системи за асистенција. Неколку зафати се извршени во моторите, а има и нова верзија што ценовно го спушта влезот во гамата.
Новината кај луксузниот Volvo S90 вo моделската година 2023 е во тоа што лимузината отсега е достапна само во изведба со приклучен хибриден погон Recharge T8 AWD. Тука исто има нови верзии, вклучувајќи и ценовно подостапен основен модел.
Освежувањето на изгледот на S60 следи кусо по фејслифтот на СУВ-бестселерот XC60. Носот е сменет незначително, задниот браник е нов, издувните цевки повеќе не се гледаат. S60, неоспорно рамноправен соперник на Mercedes C-Class, Audi A4 и Серијата 3 на BMW, отсега стандардно доаѓа со инфо-забавен систем врз база на Андроид, со функции на Гугл и со најнови системи за асистенција.
Моделските изведби B3 и B4, со благ хибриден погон, добија подобрувања во погонот. Со воведувањето милеров циклус во работата на моторот и со 7-степениот менувач со двојна спојка, значително се смали потрошувачката, а во исто време се подобрија перформансите. Емисијата на CO2 на изведбата S60 B3 (163 КС/265 Nm) и на S60 B4 (197 КС/300 Nm) се смали соодветно за 14 и за 10, на вредности од 137 и 139 g/km.
Нови имиња на нивоата на опрема, подостапни основни модели
Во чекор со промените што ќе ја зафатат целата моделска гама на Volvo, досегашните нивоа Momentum, Inscription и R-Design во S60 се заменуваат со новите нивоа Core, Plus и Ultimate. Останува спортската моделска изведба Polestar Engineered. Со воведувањето на нивото Core како нов основен модел, се спушти и цената за влез во гамата на S60. Оваа верзија е споредлива со претходните Momentum Business и Inscription Expression, и вообичаено нуди богата опременост.
https://youtu.be/yr69Ep6Ack8
Нивото Core е достапно и за верзијата S60 Recharge T6 AWD, што прави моделот да биде подостапен. Станува збор за машина со системски 350 КС и можност за 91 km да се извозат чисто на струја.
Volvo S90 отсега само со кабел
Исто како престижниот XC90, така и неговиот лимузински пандан S90 во новата моделска година ќе се нуди само во изведба со приклучен хибриден погон. Во случај на верзијата Recharge T8 AWD, системската моќност изнесува 455 КС, а досегот на струја дозволува до 89 km со 0 штетна емисија. Во последната година, повеќе од 90% од нарачките за оваа моделска серија беа направени за верзијата Recharge.
https://photos.app.goo.gl/MyN2JtHw2GKFpy969
Новите нивоа на опрема Core, Plus и Ultimate важат и тука. S90 стандардно доаѓа со електрично задвижувана задна завеса, во S90 Ultimate следи лизгачки/отворачки покрив, место панорамски покрив. Нивоата Plus и Ultimate може да е комбинираат со светол или темен надворешен стил.
Here's to 95 years of love for cars, the world we live in, and the people around us. But most of all, to you for making it possible. Happy #ValentinesDay! pic.twitter.com/zdnv1vaSMg
— Volvo Cars (@volvocars) February 14, 2022
Третина од продажбата на Volvo се електрични и хибридни автомобили
