за

Автономни комбиња на Volkswagen во јавен превоз во Хамбург по 2025 година

Volkswagen ID.Buzz од 2025 година ќе вози самостојно по улиците на германскиот град Хамбург. Летово почнуваат тестирањата на аеродромот во Минхен.

Volkswagen во 2025 година ќе започне со комерцијална примена на електрични комбиња што се движат без возач. Прв корисник на автономниот ID.Buzz, кој стартува со продажба в година, ќе биде Moia, сопствената компанија за превоз на Volkswagen.

Компанијата Moia, којашто е посебен огранок на концернот Volkswagen, специјализирана за новите видови на превоз, во средината на деценијава ќе започне со автономна услуга за Ridepooling во германскиот град Хамбург, со ID.Buzz управуван од вештачка интелигенција. Станува збор за возило за превоз на патници коешто се движи самостојно и се повикува преку апликација до местото на коешто се наоѓа корисникот.

Развојот веќе започна и во текот на летово се планира првите прототипи врз база на идниот сериски модел ID.Buzz, кои се движат самостојно, да почнат да се тестираат на аеродромот во Минхен. Софтверот и техниката за автономното возење од 4-то ниво се дело на огранокот Volkswagen Комерцијални возила. Целта е автономната верзија на ID.Buzz да започне со комерцијална примена по 2025 година, во јавен превоз и во достава на пратки.

Volkswagen Комерцијални возила во својот автономен ID. BUZZ ќе користи лидарска-техника од Argo AI, којашто препознава предмети на оддалеченост до 400 метри

Во рамките на Volkswagen Комерцијални возила е основана посебна група чијашто цел е технологијата од американската компанија Argo AI да се интегрира во ID.Buzz. Американците веќе ја вградија технологијата во првиот прототип и сега почнуваат со нејзино тестирање и во Германија.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mini Cabriolet останува и во електричната ера

Volvo XC40 T5 Recharge test

Тест: Volvo XC40 T5 Recharge