за

Volkswagen вложува 100 мио. $ во фирма со нов вид батерии

Производителот на батерии Quantumscape постигна напредок во новата технологија и доби нови 100 милиони долари од Volkswagen.

Webasto производство батерии

Volkswagen вложува дополнително во производителот на батерии Quantumscape. Волфсбург дозначи 100 милиони долари, или околу 85 милиони евра, на сметката на калифорниската компанија. Поводот за масивното вложување е успехот што го постигнаа техничарите на Quantumscape при тестирањето на нов вид литиум-метал батериски ќелии што користат цврст електролит.

Франк Бломе, директор на бизнисот со батерии во Volkswagen, цени дека ова достигнување претставува важна пресвртница. Volkswagen подолго време ја подржува финансиски работата на Quantumscape, кој важи како специјалист за батерии со цврст електролит.

Производителите на автомобили имаат големи надежи во новата техника, затоа што со неа се решаваат два проблеми на постоечките батеири. Од една страна, енергетската густина на батериите со цврст електролит е повисока, што значи дека електричните автомобили со неа можат да постигнат подолг досег. Од друга страна, полнењето е побрзо. Уште нема датум, кога би почнало производството на батериите. Начелно се планира заедничкото производство да започне во 2025 година.

>>> Нова карбонска електрода ветува голем напредок во батериската техника

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

BMW постигнал рекордна продажба во првиот квартал

Bentley почнува да гради облакодер во Мајами