за

Bentley почнува да гради облакодер во Мајами

Британската ексклузивна марка се впушта во градежништвото. Bentley во соработка со Dezer Development ќе подига облакодер на Сани Ајлс Бич, во Мајами.

Дизајниран од прочуената фирма Sieger Suarez Architects и од трговецот со недвижнини Dezer Development, луксузниот станбен облакодер е првиот градежен проект од ваков вид, во којшто учествува Bentley.

Создаден да им одговара на сопствениците на луксузни автомобили, секој стан ќе располага со гаража за повеќе автомобили и со патентиран лифт посебно наменет за нив, што автомобилите ќе ги подигнува до самиот стан. Од секој стан ќе се добива глетка кон океанот и каналите, а ќе се применуваат само природни материјали.

Објектот е проектиран во согласност со Советот за зелена градба на Флорида, што има за цел да обезбеди врвна заштита на животната средина и на живиот свет во неа. Облакодерот ќе понуди над 200 луксузни станови, изработени за клиенти што бараат врв во поглед на дизајнот и квалитетот. Објектот со 60 катови ќе биде висок 229 метри, што е повеќе од кој било друг станбен облакодер долж крајбрежјето на САД.

Становите ќе располагаат со балконска површина, базен, сауна и туш на отворено. Во рамките на објектот ќе работат вежбална, бања, виски бар и ресторан. На повеќе места ќе бидат изведени заеднички градини.

Планирано е изградбата да започне во 2023 година и истата би завршила во 2026 година.

http://www.bentleyresidences.com/

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Webasto производство батерии

Volkswagen вложува 100 мио. $ во фирма со нов вид батерии

Опасно е со зимски гуми да се вози во лето