за

Twingo Cup се враќа, викендов се вози на Хунгароринг

AKK Рено Спорт ги носи 9-те надежни македонски тркачи на натпревари во Европа во рамките на FIA CEZ.

Twingo Cup се враќа по пауза од една година и тоа на повисоко натпреварувачко ниво, во FIA CEZ (FIA Central European Zone).

Новата сезона стартува овој викенд со закажани две трки на 17-ти април (сабота) во Унгарија, на познатата патека Хунгароринг. Тоа ќе биде меѓународен предизвик за македонските автомобилисти, кои ќе настапат на TWINGO EUROCUP 2021 POWERED BY GLASO.

Нашите натпреварувачи се: Ненад Костовски, Иван Стефановски, Давид Малинковски, Мартин Костовски, Слободан Трајковски, Емил Нацка, Ангелче Стојковски, Владимир Тренески и Милан Ѓорѓевиќ.

На Хунгароринг во сабота ќе се одмеруваат силите со 19 натпреварувачи од Словенија, Србија и Унгарија. Во вторава сезона, покрај две кружни трки во Кичево и две ридско брдски на домашно тло, купот ќе биде дел и од меѓународни натпревари каде што нашите возачи ќе бидат бодувани согласно регулативите и признанијата на FIA CEZ, и тоа во: Серес – Грција (Јуни), Гробник – Хрватска (Јули), Словакиаринг – Словачка (Август), Red bull Ring – Австрија (Септември) и финална трка за заокружување на сезоната повторно во Серес – Грција (Ноември) CEZ во организација на АКК Рено Спорт Скопје.

Подржувачи на купот се Аутомотив Груп, Renault, Триглав Осигурување, Power Sport System (PSS) и Шпаркасе Лизинг, кои овозможуваат трките да се организираат на високо ниво, како на домашно, така и на меѓународно ниво.

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Фино брусење за Škoda Kodiaq

Nvidia претстави нов процесор за вградување во автомобили