за

Toyota втора најпродавана марка во Европа

Пазарниот удел на Toyota е на рекордно ниво, марката е втора по бројот на продадени возила во Европа од јануари до март.

Продолжува растот на Toyota на европскиот пазар, како во бројот на продадени возила, така и во пазарнуот удел. Во првиот квартал од годината, од марките Toyota и Lexus се продадени 287.678 возила.

Toyota во првиот квартал од 2021 година ја зголемила продажбата за 6 проценти во споредба со истиот период лани. Пораснал и пазарниот удел, за 0,1 процент и истиот сега изнесува 6,6 проценти. Тоа е највисока вредност на ниво на прв квартал во историјата на компанијата. Рекордни се и 6,4% удел на Toyota во Европа, што значи дека марката е втора најпродавана на европскиот пазар од јануари до март.

Посебно расте побарувачката за хибридните модели на Toyota и Lexus. Тие учествуваат со рекордни 56 проценти во Европа, односно исто така со рекордни 67 проценти во Западна Европа. Во Источна Европа, каде што Toyota ги вклучува и Русија, Турција и Израел, исто расте побарувачката. Уделот на хибридите тука пораснал за пет процентни поени и изнесува 27 проценти.

Марката Toyota до март продала 268.607 возила, а пазарниот удел се зголемил за 0,4 процентни бодови, на 6,4 проценти. Кај хибридите е постигнат плус од 15 проценти, со вкупно 148.671 возила. Тоа се 55% од целата продажба на марката.

Lexus во првите три месеци напредувал за 4,0% со продадени 19.071 возила. Уделот на хибридите тука е уште повисок: 93% во Западна Европа и 62% во цела Европа.

Toyota Yaris е избран за автомобил за 2021 година во Европа и во јануари првпат стана најпродаван модел во Европа. Извршниот директор Мет Харисон најавува нови модели со електричен погон во текот на годинава. Целта е продажбата во 2021 година да надмине 1,1 милион возила, колку во 2019 година, пред кризата.

Продажба на возила на Toyota Motor Europe од јануари до март 2021

  • Продажба: 287.678 возила (+ 6 проценти)
  • Пазарен удел: 6,6 проценти (+ 0,1 процентен бод)
  • Хибриди: 159.163 возила (+ 13 проценти)
  • Удел на хибриди: 56 проценти (Западна Европа: 67 проценти, Источна Европа: 27 проценти)

Toyota продажба од јануари до март 2021

  • Продажба: 268.607 возила (+ 6 проценти)
  • Хибриди: 148.671 возила (+ 15 проценти)
  • Удел на хибриди: 55 проценти (Западна Европа: 66 проценти; Источна Европа: 29 проценти)

Lexus продажба од јануари до март 2021

  • Продажба: 19.071 возила (+ 4 проценти)
  • Хибриди: 11.748 возила (- 6 проценти)
  • Удел на хибриди: 62 проценти (Западна Европа: 93 проценти, Источна Европа: 9 проценти)

>>> Toyota Yaris е избран за автомобил на 2021 година во Европа

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

BMW M5 CS награда за најбрзиот на квалификации во Мото ГП

Mercedes ѝ создаде конкурент на S-Class: Електричен EQS, луксузен, различен