Европскиот огранок на Toyota започна со превоз на возилата од фабриките до дилерската мрежа по железница. Превозот засега се одвива само меѓу Франција и Обединетото Кралство. Планот е до 2024 година неколку паневропски логистички рути да се префрлат на железнички превоз.
Toyota Motor Europe (TME) започна со железнички транспорт на возилата од дистрибутивниот центар во францускиот Веленсјан, до Тотон во Обединетото Кралство. Тоа е само почетна фаза од планот за цела Европа, за возилата во поголем обем да се превезуваат по железница, заради намалвуање на емисијата на СО2 и од логистиката на компанијата.
Партнери на TME се компаниите за логистика Getlink и CAT Group. Во почетокот тие ќе превезуваат околу 70.000 возила годишно, што одговара на 270 железнички превози годишно. Возила Corolla со хибриден погон, што се произведуваат во фабриката во Дерби, ќе се превезуваат со воз до центарот во Валенсјан, додека возилата Yaris со хибриден погон, од Франција ќе се превезуваат до ОК.
Toyota е единствен производител на автомобили што во моментов го користи тунелот под Ламанш за превоз на нови возила
Се очекува на овој начин да се намали емисијата на СО2 за повеќе од 10% на ниво на севкупната логистика на TME. Воедно се скусува и времето на патување за околу 50 проценти.
Just had a bracing walk at Samphire Hoe. This is a man made nature trail using the spoil from the channel tunnel. pic.twitter.com/6xTEwQRnkK
— Graham & June Hall (@GrahamH36921247) February 23, 2022
Голем дел од главните рути на логистиката на Toyota во Европа е планирано да се префрли на железница до 2024 година. Втората фаза започнува во април годинава, кога фабриката во Валенсјан ќе се поврзе со фабриката во Колин, Чешка. Таму се произведуваат Yaris и новиот Aygo Cross. Понатаму ќе се опфати мрежата во Италија, Шпанија и Турција.
Со превозот по железница, Toyota ќе замени превоз од преку 7 милиони „камионски“ километри годишно, што од една страна е чекор во заштита на климата, од друга страна се растоваруваат патиштата.
At @DBCargoUK Toton site to see operation of new car service for Toyota run in conjunction with Groupe CAT. Exports from Burnaston and imports from Valenciennes, so a two-way flow through the Channel Tunnel pic.twitter.com/dp0RcQyIZi
— Modern Railways (@Modern_Railways) February 22, 2022