за

Руската фабрика на Toyota преоѓа во сопственост на државен институт

Договорот вклучува префрлување на сопственоста на земјиштето и на фабриката во којашто Toyota ги произведуваше Camry и RAV4 за рускиот пазар.

Toyota ја префрли својата фабрика во Русија на новиот сопственик, државниот институт за автомобилски развој NAMI.

Најголемата автомобилска компанија во светот лани го прекина производството во својата фабрика во Ст. Петерсбург, поради недостиг од клучни компоненти и материјали за вградување во возилата, по нападот на Русија врз Украина.

Во соопштението од Toyota, компанијата објавува дека решила фабриката да ја префрли на сопственост на NAMI, со правосилност од 31-ви март.

Спогодбата вклучува целосно префрлување на сопственоста на фабриката и на земјиштето, соопштува Toyota.

Фабриката располага со капацитет за производство на 100.000 возила годишно. Во неа се произведуваа лимузината од средна класа Camry и светскиот СУВ-бестселер RAV4, наменети за рускиот пазар. Возилата се извезуваа во Белорусија, Казахстан и Ерменија.

Toyota не објавува детали за вредноста на договорот.

Руското министерство за индустрија и трговија соопшти дека работи за фабриката да се врати во производство колку е можно поскоро.

NAMI (Централен научно-истражувачки автомобилски и моторен институт НАМИ), веќе ги има преземено фабриките на Renault и Nissan во Русија. Претпријатието е основано во 1918 година и има произведувано возила во завршетокот на 1920-те години. NAMI учествуваше во развојот на платформата Kortesch, којашто се користи како основа за државничката лимузина Aurus Senat, како и за СУВ-моделот Aurus Komendant од 2022 година.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Патување со Kia XCeed до најголемиот речен остров во Македонија

Наследникот на Golf 8 нема да вози со бензинец или дизел