Тојота во првото полугодие продаде историски рекорден број возила

Европскиот огранок на Тојота во првите шест месеци продаде 626.572 возила, што е повеќе од кога било досега. Растот изнесува 9 проценти, голема заслуга има новиот Ц-ХР.

Тојота Мотор Европа постигна раст од 9 проценти во продажбата на возила од јануари до јуни, со вкупно продадени 626.572 автомобили од марките Тојота и Лексус. Јапонците го задржаа насловот на втора најпродавана автомобилска марка во Европа до јуни. Луксузната марка Лексус исто така напредува одлично, со раст од 21 проценти, што е меѓу најголемите скокови на премиум марките на европскиот пазар. Позитивата ја заокружуваат доставните возила, со раст од 10 проценти.

Педантната статистика на марката понатаму открива дека продажбата на целосно електрични модели напредувала за 34 проценти, на приклучните хибриди за 38 проценти и на класичните хибриди за 11 проценти. Вкупниот удел на трите видови електрифициран погон во продажбата изнесува 74 проценти, сметано за двете марки, Тојота и Лексус.

Мет Харисон, корпорациски директор на Тојота Мотор Европа вели дека се „горди на рекордната продажба во првото поолугодие и во продолженото надминување на пазарот“. Растот во најголема мера се должи на зголемената побарувачка за хибридите, приклучните хибриди и батериските електрични автомобили. Секако дека за тоа придонесоа и „новите Лексус ЛБИкс и новиот Ц-ХР со приклучен хибрид, два одлично прифатени модели“.

Продажни шампиони меѓу моделите

Тојота во првото полугодие продаде 585.321 или +9% во споредба со лани. Најпродавани се Јарис и Јарис Крос, Корола и новата Ц-ХР. На електрифицирани модели отпаѓаат 73% од продажбата, со 9 проценти повеќе продадени возила. Батериските електрични модели (би-зи-фор-крос) напредувале за 24%, со вкупно 19.038 возила.

Лексус во истиот период продаде 41.251 возила или за 21% повеќе во споредба со лани. Кај премиум марката дури 90% од продажбата се електрифицирани модели. Во Западна Европа, уделот им изнесува дури 99 проценти. Лексус Н Икс напредуваше за 13 проценти. За вкупниот раст најмногу придонесе новиот ЛБИкс, облагородена верзија на Јарис Крос.

Од фургоните беа продадени 72.012 возила до јуни, за 10% повеќе од лани. Близу половина од продажбата отпаѓа на Проејс Сити, со раст од 28% и вкупно 29.857 возила.

Главните достигнувања во продажбата на Тојота Мотор Европа, јануари-јуни 2024

• Вкупна продажба: 626,572 (+9% во споредба со лани)
• Вкупно електрифицирани: 461,911 (+12% во споредба со лани)
• Вкупен удел на електрифицирани: Западна Европа: 77% – Источна Европа*: 54% – Вкупно: 74%

Главните достигнувања во продажбата на марката Тојота, јануари-јуни 2024

• Продажба на Тојота: 585,321 (+9% во споредба со лани)
• Најпродавани: Јарис Крос (103,657); Јарис (93,587); Корола гама (87,820); Тојота Ц-ХР (62,513); Ајго Крос (52,645); РАВ4 (52,171)
• Вкупно електрифицирани: 424,812 (+9% во споредба со лани)
• Најпродавани електрифицирани: Јарис Крос Хибрид (98,807); Јарис Хибрид (83,772); Корола Хибрид (75,231); Тојота Ц-ХР Хибрид (57,619); РАВ4 Хибрид/ приклучен хибрид (49,889)

Видеото од возењето на приклучната хибридна Тојота РАВ4 со 70 километри досег на струја

Подробна продажба по модели, јануари – јули 2024: