Дарко Јаконов
Американскиот бестселер на Toyota доби признание од здружението на автомобилски новинари на Тексас. Наградата беше во рамките на манифестацијата во традиционален стил Texas Truck Rodeo. Втора година во низа, теренски оптимираната изведба Toyota RAV4 TRD победува во категоријата на компактни СУВ-модели.
Како еден од најсвежите членови на семејството модели TRD, со нагласени теренски својства, Toyota RAV4 TRD нуди спој меѓу комфор, стил и безбедност. Подвозјето и подот напред првпат се заштитени дополнително со челична плоча. Други обележја на верзијата TRD се мат-црните тркала и подвозјето дотерано од експертите на ова специјално одделение на Toyota. Теренските гуми Falken Wildpeak A/T Trail имаат посебен профил и смеша, соодветно на барањата на TRD.
На возачите на теренски возила им е важна и тежината на приколка. RAV4 TRD тука убедува со 1.600 килограми. Нагласок во внатрешноста ставаат црвените опшивки и црвените облоги. Во својата петта генерација, RAV4 е најпродаван СУВ-модел на пазарот во САД.
Годинава 27 автомобилски новинари оценуваа 39 пикапи и СУВ-модели на посебно подготвена теренска патека. Возилата се оценуваа според внатрешноста, надворешноста, противвредноста, перформансите и привлечноста.
Меѓу финалистите во останатите категории во изборот се изборија и Toyota 4Runner TRD Pro, Tundra Trail Special Edition и Tacoma Trail Special Edition.
>>> По највисоките македонски планини со Toyota RAV4: Кораб (1. дел)
