за

Илон Маск лично ќе ги интервјуира германските инженери за работа во Tesla

Илон Маск во текот на денешниот ден лично ќе разговара со инженерите што се пријавуваат за работно место во фабриката на Tesla во Германија.

Тајна средба меѓу Илон Маск и шефот на Volkswagen

Шефот на Tesla бара инженери за вработување во неговата фабрика за електрични автомобили во близина на Берлин. Илон Маск лично ќе ги интервјуира кандидатите во текот на денешниот ден.

Маск синоќа слета на аеродромот во Берлин, а според објавите на германските новински агенции, цел на посетата се разговори за вработување во фабриката за електрични автомобили, што моментно е во изградба во близина на германската престолнина.

Шефот на калифорнискиот специјалист за електрични автомобили, на својот профил на твитер најави дека планира денес лично да разговара со кандидатите.

Американскиот производител планира од следното лето да произведува автомобили во фабриката во месноста Гринхајде, во германската сојузна покраина Бранденбург, на оддалеченост од околу 30 километри од Берлин. Посетата на Илон Маск на фабриката во септември доби третман на важен медиумски настан.

Доколку фабриката го достигне четвртиот степен на продукција, таа ќе вработува до 40.000 лица.

>>> Фабриката на Tesla во Берлин мирува, не платиле за вода

tesla гига фабрика берлин

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota RAV4 прогласена за најдобар СУВ во Тексас

Toyota RAV4 прогласена за најдобар СУВ во Тексас

Ford EcoSport доби изведба Active

Ford EcoSport доби изведба Active