за

Путин најави план за намалување на СО2-емисијата до 2030 година

Владимир Путин побара разработка на стратегија, за Русија значително да ја смали емисијата на стакленички гасови до 2030 година. Големата земја е особено погодена од климатските промени.

Путин најави план за намалување на СО2-емисијата до 2030 година

Рускиот претседател Владимир Путин најави намалување на емисијата на стакленички гасови до 70% во споредба со нивото од 1990 година, како мерка за забавување на климатските промени. Целта треба да се достигне до 2030 година.

Руските научници тврдат дека температурата во земјата се зголемува во поголема мерка отколку во остатокот од светот. Тие се посебно загрижени околу одмрзнувањето на пермафростот во Сибир, од што може да се ослободат гитантски количини на метан што ќе предизвика драстични климатски промени.

Путин ја објави уредбата точно на денот кога САД и официјално истапуваат од Париската климатска конвенција од 2015 година. Конвенцијата на Обединетите Нации предвидува загревањето на земјината топка да се ограничи на два степени Целсиусови, а по можност и на 1,5 степен.

Како најголема копнена површина на Земјата, Русија ги согледува последиците од климатските промени преку одмрзнувањето на пермафростот, но и со температурни рекорди на годишно ниво, со масивни шумски пожари и со поплави.

Претседателот ѝ наложи на Владата да подготви стратегија за социјален и економски развој на Русија до 2050 година, што ќе биде климатски неутрален. Земјата што располага со глобално стратешки количини на гас и нафта, се вбројува меѓу земјите со највисока емисија на јаглероден диоксид.

>>> Топ 25 Најпродавани модели во Русија

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

renault zoe - Првпат електричен автомобил во германскиот Топ 10

Првпат електричен автомобил во германскиот Топ 10

Toyota RAV4 прогласена за најдобар СУВ во Тексас

Toyota RAV4 прогласена за најдобар СУВ во Тексас