Тојота Мотор Европа во минатата година продаде 1.217.132 возила, повеќе од кога било досега и за 4 проценти над резултатот од ’23 година. Дополнителната сила на Тојота доаѓаше од понудата на сите видови погон, вклучувајќи електрични, хибридни и приклучни хибридни модели.

Три од секои четири продадени Тојоти во Европа во минатата година имале електромотор во погонот, било тоа да е хибрид, приклучен хибрид или чисто електричен погон.

Јапонците ја завршија минатата година на второто место по бројот на продадени возила во Европа, веднаш зад концернот Фолксваген. Заедно со моделите од својата луксузна марка Лексус, Тојота лани продаде 1.217.132 возила, што е историски рекорд. Со 88.184 продадени возила и раст од 20 проценти, рекордна година имаше и Лексус.

Дури 74 проценти од европската продажба на Тојота и Лексус се возила со електрифициран погон. Побарувачката се зголеми најмногу кај приклучните хибриди, коишто отидоа 36 проценти во плус, класичните „тојота-хибриди“ имаат +9 проценти, а чисто батериските модели напредуваа за 18 проценти.

Новиот фронт на Тојота, доставните модели од програмата Тојота Професионал Проејс, исто така пријавија раст од 20 проценти и продадени 94.283 возила. Кон завршетокот на минатата година, Тојота Авто Центар официјално ја промовираше новата понуда од доставни возила на македонскиот пазар, со најразновидни можности за финансирање преку Шпаркасе.

Матичната марка Тојота продаде 1.128.948 возила или за 3 проценти повеќе од преклани. Тоа беше четврта година на Тојота како втора најпродавана марка во Европа.

Најпродавани модели се Јарис, Корола, и секако новиот Ц-ХР. Електрифицираните модели учествуваа со 73% во продажбата, со плус 9% во бројот на продадени возила. Батериските електрични модели на марката напредуваа за 10%, со продадени 33.821 возила. Приклучните хибриди привлекоа за 80% повеќе купувачи, што главно е заслуга на воведувањето на овој погон во Ц-ХР во новата генерација.

Од марката Лексус беа продадени 88.184 возила или за 20% повеќе од преклани, што е раст над просекот во сегментот на премиум марките. Пазарниот удел достигна рекорд со 2,5 проценти, за 0,4 процентен бод подобро отколку една година пред тоа. Во Западна Европа, само еден од 100 продадени Лексузи бил неелектрифициран, додека општо во целиот регион, уделот е 91 проценти. Главни носители на продажбата се кросоверот ЛБИкс и Н Икс.

Целосен преглед на продажбата на ТМЕ по модели во ’24