Toyota Corolla ја понесе титулата за „Зелен автомобил за 2020 година“ на салонот во Лос Анџелес. Со Honda CR-V, уште една јапонска марка постигна победа, во категоријата на „Зелен СУВ на годината“.
Според главниот уредник и издавач на „Green Car Journal“, Рон Коган, победничките модели на Toyota и Honda се издвојуваат со исклучително ниската потрошувачка, со добрата опременост и со пријатното чувство во возење. Двата модели се достапни и во изведба со хибриден погон. Дополнителни бодови за Corolla и CR-V пред 11-членото стручно жири донесоа безбедноста, противвредноста и моќноста, но и дизајнот, потрошувачката и достапната цена.
Сите модели што завршуваат во финалето на изборот на магазинот добиваат награда поради своите достигнувања во поглед на заштитата на животната средина. Годинава во финалето се пласираа уште Ford Escape, Hyundai Sonata, Kia Soul и Mazda 3, додека кај СУВ-моделите, како „најзелени“ се докажаа Ford Explorer Hybrid, Subaru Crosstrek Hybrid (верзија на XV за САД), Toyota Highlander Hybrid и Toyota RAV4.
https://www.instagram.com/p/B5IoCySlyZw/
