за

Автопилотот на Toyota во Јапонија може сам да престигнува

Систем што користи радар, два вида камери, лидар и прецизни карти, овозможува моделите на Toyota да реагираат беспрекорно при опасност на патот и претставува еден вид полу-автопилот.

Автопилотот на Toyota во Јапонија може сам да престигнува

Нов систем за асистенција на Toyota со вештачка интелигенција помага во секојдневието и користи радар, стерео и телескопска камера, како и лидар и најпрецизни карти за навигација. Возилото комуницира со возачот при избегнувањето опасност на патот.

Toyota продолжува уште еден чекор напред во насока на зголемувањето на безбедноста во возењето и го воведува новиот систем за асистенција Advanced Drive. Овој систем е достапен во Јапонија и реагира беспрекорно при спречувањето незгода или опасност на патот. Се подобрува и возниот комфор, посебно на автопат. Тоа е дел од стемежот на компанијата, да се постигне сообраќај во којшто нема загинати и повредени лица.

Сите модели на Toyota моментно располагаат со пакетот Toyota Safety Sense, кој содржи најразлични системи за асистенција и помага да се постигне дополнителна безбедност во возењето. Покрај тоа, возилата на Toyota стандардно постигнуваат врвни резултати на краш-тестовите.

Новиот систем се нарекува „Advanced Drive“ и претставува дел од системот за полу-автопилотирано возење „Teammate“. Истиот е достапен во Јапонија, за новата генерација на водородната Toyota Mirai и за преработеното моделско годиште на луксузниот Lexus LS 500h. Со овој систем, возачот и возилото стануваат една целина. Тоа вози кон природно и меко реагирање во возењето, блиску до начинот на којшто реагира човек.

По внесувањето на целта во навигацијата, „Advanced Drive“ сам ја следи лентата и го одржува растојанието од останатите возила, менува лента и ги престигнува останатите учесници во сообраќајот. Возачот не мора да се грижи околу педалата за гас, за сопирањето и за управувањето. Со тоа се смалува заморот при подолги патувања. Возачот може воедно да се посвети повеќе на средината, за возењето да биде побезбедно.

Целта на Toyota е возачот да стекне доверба во новиот систем, дека тој во секое време ќе реагира безбедно и навремено

Системот „Advanced Drive“ користи радар со милиметарска бранова должина и стерео камера, кои се вградуваат и во останатите возила на Toyota. Дополнително се користат телескопска камера, лидар (скратено од Light Detection And Ranging) и карти со висока прецизност.

Вештачката интелигенција се состои во тоа што системот може да врши „Deep Learning“, односно може однапред да препознае одредени ситуации и да се подготви да реагира навреме, исто како тоа да го прави возачот. Притоа се следи и движењето на останатите возила. При опасност се слуша предупредување. Ако возачот не преземе контрола, избира како системот да реагира сам.

>>> Toyota вложува во американска фирма за роботски возила

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Škoda Enyaq iV освои награда за дизајн Red Dot

Škoda Enyaq iV освои награда за дизајн Red Dot

Wartburg и Trabant сега и службено се олдтајмери