за

Toyota и Volkswagen имаат најмногу Топ 10 модели по земји

Трета марка по бројноста на свои модели што се појавуваат меѓу 10-те најпродавани автомобили во европските држави е Skoda, потоа следат Dacia и Kia.

На 28 пазари во Европа, модели на Toyota се пласирани во водечката десетина вкупно 51 пат во периодот од јануари до ноември.

Јапонската марка е во сигурно водство во поглед на популарноста на својата моделска понуда, а исто така е сигурно и дека тоа водство ќе се зголеми дополнително. Меѓу 51-то место во Топ 10 недостигаат пласманите на моделите на Toyota во Словачка и Ирска, кои уште доцнат со доставата на податоци од продажбата во ноември.

Volkswagen е втора најзастапена марка во Топ 10, со 35 пласмани на своите модели, но и овој податок уште не е конечен, затоа што исто така не се вклучени продажбите во двете претходно спомнати земји, во коишто VW продава одлично.

На третото место на најбарани модели од една марка е Skoda, со 26 пласмани во Топ 10. Со комплетирањето на податоците се очекува овој број да се зголеми за уште пет.

Со некомплетни податоци, Dacia во периодот од јанаури до ноември има 25 места во Топ 10, пред Kia со 23 места. Претходно, во статистиката до октомври, двете марки беа изедначени. И тука се очекуваат уште податоци. Словачка е земја во којашто Kia ги произведува моделите Sportage и Ceed за европскиот пазар, и секако дека моделите и таму се во Топ 10.

Модели на Peugeot се појавуваат 20 пати во водечката десетина, потоа следи Hyundai со 14 појавувања.

По модели, најчесто во Топ 10 во европските земји се наоѓа Skoda Octavia. Моделот се појавува 14 пати меѓу десетте најпродавани модели по земји, на Dacia Duster тоа ѝ успева 12 пати, додека на Toyota Corolla единаесетпати.

Три модели имаат десет појавувања во Топ 10, тоа се Dacia Sandero, Toyota Yaris и VW T-Roc. Исто толку модели бројат девет пласмани во водечката десетина по земји: Kia Sportage, Toyota RAV4 и Hyundai Tucson.

Тоа се првичните резултати, се чека да пристигнат податоците од сите земји.

Земја

Најпродаван модел

Австрија

Volkswagen Transporter

Белгија

Dacia Sandero

Бугарија

Toyota Corolla

Германија

Volkswagen Golf

Грција

Toyota Yaris

Данска

Peugeot 208

Естонија

Toyota RAV4

Исланд

Mitsubishi Eclipse Cross

Италија

Fiat Panda

Кипар

Volkswagen T-Roc

Летонија

Toyota RAV4

Литванија

Toyota RAV4

Луксембург

Peugeot 208

Норвешка

Tesla Model Y

Обединето Кралство

Nissan Qashqai

Полска

Toyota Corolla

Португалија

Peugeot 2008

Романија

Dacia Logan

Словенија

Skoda Octavia

Унгарија

Suzuki S-Cross

Финска

Toyota Corolla

Франција

Peugeot 208

Холандија

Peugeot 208

Хрватска

Skoda Octavia

Чешка

Skoda Octavia

Швајцарија

Tesla Model Y

Шведска

Volvo XC40

Шпанија

Hyundai Tucson

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Suzuki има модел Bandit и Јапонците го обожуваат

Great Wall стартува со електрични модели во Европа