На најекстремната изведба на Tesla Model S ѝ припаѓа новиот рекорд за автомобил од сериско производство што забрзува за најкусо време од место до 402 метри, односно до четвртина милја. На електричната лимузина тоа ѝ успеа за 9,23 секунуди.
Рекордот на Tesla Model S Plaid е поставен на патеката Аутоклуб Фамозо во Бејкерсфилд, Калифорнија, во присуство на официјални лица. По само 402 метри, електричниот болид забрза до 152,16 милји на час или 244,9 километри на час.
Претходниот рекорд му припаѓа на Bugatti Chiron Sport, чиешто време изнесува 9,4 секунди. Уште една победа за Tesla е фактот што францускиот хиперавтомобил чини над три милиони долари, додека цената за Model S Plaid почнува од околу 120.000 долари. На третото место во овој ексклузивен клуб на рекордери се наоѓа Porsche 918 Spyder, со заостаток од половина секунда зад Model S.
Ова е голем скок за калифорнискиот електро специјалист, откако Tesla Model S Performance во „неразумниот режим“ се најде на 19-то место. Постигнатото време точно се совпаѓа со вредностите што Tesla ги објави на вебсајтот, при најавувањето на новата моделска изведба во почетокот на годинава. Според тие податоци, „Plaid“ спринтува четвртина милја за 9,23 секунди, со крајна брзина од 155 милји на час, односно близу 250 километри на час.
Наскоро и официјално ќе биде објавен големиот потфат, со видео снимка и со коментари од познати личности што присуствувале на настанот.
Cybertruck in NYC pic.twitter.com/Q7JnSo1QoX
— Tesla (@Tesla) May 8, 2021
