за

Минатата година за Tesla беше прва со позитивен биланс

Американскиот производител на електрични автомобили Tesla лани првпат работеше со заработка. Но, таа не доаѓа од продажбата на возила.

tesla prodazba istocna evropa

Електро-пионерот Tesla го заврши шестиот квартал во низа со позитивен биланс и првпат во историјата постигна заработка во полна календарска година.

Компанијата на техно-милијардерот Илон Маск и покрај корона-кризата ја заврши 2020 година со заработка од 721 милиони долари (595 милиони евра). Преклани Tesla уште бележеше загуба, којашто тогаш изнесуваше 862 милиони долари. Прометот пораснал за 28 проценти, на вкупно 31,5 милијарди долари.

Акционерите сепак не беа одушевени од прикажаните бројки и покрај тоа што компанијата првпат постигна заработка во континуитет од една календарска година од основањето во 2003 година. Вредноста на акциите на берзата забележа пад од преку пет проценти. Проблемот е во тоа што Tesla не ги исполни плановите за последниот квартал од минатата година. Концернот на Маск постигна заработка, но 270-те милиони долари беа помалку од тоа што го очекуваше пазарот. Во споредба со четвртиот квартал во 2019 година, прометот порасна за дури 46% и со 10,7 милијарди долари ги надмина и прогнозите на аналитичарите.

Фабриката на Tesla во Берлин со базен и подиум на покривот
Фабриката на Tesla во Берлин со базен и подиум на покривот

Берзата меѓу другото се разочара и од тоа што Tesla излезе со разумни предвидувања за бизнисот во тековната година, место со најавување на преамбициозни и неконкретни цели. Целта за годинава е да се надмине растот од 50% од лани. Тоа би значело дека Tesla во 2021 година треба да испорача 750.000 автомобили на светскиот пазар. Лани беа испорачани малку под 500.000 возила, што е рекорд на компанијата.

Концернот постигнува голема заработка и од продажбата на т.н. сертификати за издувни гасови, кои ги откупуваат овие сертификати со цел на тој начин да ја смалат вкупната емисија на штетни материи од сопствените автомобили. Законите во Европа и во Калифорнија поставуваат строги норми во поглед на штетната емисија. Без овој прилив, што во минатата година изнесуваше 1,6 милијарда долари, односно 401 милиони долари само во последниот квартал, Tesla практично ќе ја завршеше и минатата година во минус.

Вредноста на акциите на Tesla порасна за 700 проценти

Илон Маск на телефонска конференција со аналитичарите најави проширување на фабриката во Фремонт, за производство на освежените верзии на постарите Model S и Model X, кои меѓу другото добија сосем нова изведба на внатрешноста. Model S ќе биде достапен и во изведба Plaid што спринтува за две секунди од место до темпо сто. Според Маск, не постои автомобил што е постартен. Tesla најави и прозиводство на електрично комбе, за коешто нема конкретни податоци.

>>> Италијански каросерист направи единствен Tesla-кабриолет

ARES_Tesla Model S_Cabrio

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Hyundai TUCSON N Line

Hyundai Tucson N Line со спортска нота и мотори до 265 КС

Mini Hatch 2021

Mini направи и покривот да стане простор за иновации