за

Tesla постигнува заработка пет квартали во низа

Tesla работеше успешно и во третиот квартал, и покрај корона-кризата. Неизвесно е дали компанијата годинава ќе ги испорача планираните 500.000 возила.

Tesla Model S сега забрзува за 2,5 секунди до сто

Американскиот производител на електрични автомобили Tesla постигнува заработка пет квартали во низа, потврдувајќи ги амбициозните цели за годинава.

Во тромесечјето до крајот на септември, Tesla постигна нето заработка во висина од 331 милиони долари, односно 279 милиони евра. Така соопшти концернот на техно-милијардерот Илон Маск во средата, по заклучувањето на американската берза. Резултатот е за 131 проценти подобар во споредба со истиот период лани.

Прометот порасна за 39 проценти, на 8,8 милијарди долари, што е нов рекорд. Tesla ги надмина очекувањата, па акциите по берзанската објава реагираа со значително зголемување на вредноста. Со изненадувачкиот биланс во последниот квартал, Tesla ја продолжи успешната серија. Од основањето во 2003 година, компанијата досега нема работено толку успешно во подолг временски период. Дел од заработката сепак се должи на трговијата со СО2 сертификати, што не е друго освен купување право за испуштање штетни емисии, што го користат некои производители на автомобили, првенствено Fiat Chrysler.

Највредна автомобилска компанија во светот

Од компанијата нагласија дека и покрај отежнатите услови поради корона-кризата, Tesla не се откажува од амбициозните планови, годинава да бидат продадени 500.000 возила. Во првите три квартали беа испорачани околу 320.000 автомобили, од кои 139.593 примероци само во последниот квартал. Постигнувањето на годишната цел за половина милион возила сепак ќе биде тешко, признава компанијата во соопштението.

Tesla подолго време е највреден производител на автомобили во светот. Од почетокот на годината, вредноста на акциите се зголеми за 400 проценти, а во споредба со истиот период лани, дури за 730 проценти. Според последните бројки, Tesla вреди 394 милијарди долари на берзата. Тоа е трипати повеќе од најголемите американски производители General Motors и Ford заедно.

>>> Tesla Model 3 од фабриката во Пекинг ќе се продава во Европа

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Вака изгледа електрична станица со полначи во Штутгарт

Вака изгледа електрична станица со полначи во Штутгарт

Чоколадите Ritter Sport се возат со електричен Mercedes eActros

Чоколадите Ritter Sport се возат со електричен Mercedes eActros