за

Британските возачки и возачи се најзадоволни од Suzuki

Организацијата за заштита на потрошувачите во Велика Британија, во најновото истражување дојде до заклучокот дека возачките и возачите во земјата се најсреќни од своето Suzuki.

Suzuki Swift Ignis салон Миркат Македонија - Suzuki постигна рекорден удел на италијанскиот пазар

Suzuki е најдобра во конкуренција на 27 автомобилски марки, во поглед на задоволството на корисниците. Дури и во општа конкуренција, Suzuki е петта најдобра марка од вкупно 265 марки што беа опфатени во истражувањето. Марката со суперменското S досега петпати била на првото место во истражувањата на британската организација за заштита на потрошувачите.

Suzuki на британскиот пазар повторно се најде на највисокото место според индексот на задоволство на корисниците. Јапонскиот специјалист за градски и теренски автомобили се пласираше прв во конкуренција на автомобилски марки и петти меѓу 265 марки и компании во општа конкуренција, од сите бранши што беа опфатени во истражувањето на Организацијата за заштита на потрошувачите во Велика Британија.

Индексот претставува мерило на степенот со којшто корисниците на одредена марка или компанија се задоволни од истата. Истражувањето беше спроведено меѓу повеќе од 10.000 корисници во Велика Британија, коишто го искажуваа своето искуство. Во истото се опфатени компании од 13 сектори, вклучувајќи ја и автомобилската индустрија. Вкупно пристигнаа 45.000 оцени од потрошувачи во сите сегменти, односно 3.000 оцени само од автомобилскиот сектор.

Во општа конкуренција, Suzuki е петтопласиран, заедно со M&S, по UK Power Networks, Timpson, John Lewis и Tesco Mobile. Просечниот индекс на задоволство на корисниците во автомобилскиот сектор изнесува 81,0. Индексот за Suzuki изнесува 85,9, што е далеку над просекот. Во конкуренција од сите марки и компании, Suzuki е дури 17 места пред второпласираната автомобилска марка во истражувањето.

Корисниците одговараа на прашања поврзани со довербата, искуството, односот на компаните кон корисниците, емотивната поврзаност и етиката. Suzuki воедно доби и најмногу потврди дека постоечките корисници повторно би изврале автомобил од марката. Уште еден триумф на Suzuki е бројот на одговори од корисниците, дали тие на своите пријатели или роднини би им препорачале возило од марката. Во тој поглед, Suzuki постигна индекс 40,4, додека просекот во браншата изнесува 35,6, односно 27,9 во општа конкуренција.

Неоткриените таленти на Suzuki Ignis сега доаѓаат до полн израз

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Тест · Opel Astra Ultimate 1.5 Diesel: Родена под среќна ѕвезда

Половина час од Белви до Сарај во недела, а во понеделник?