за

Suzuki Jimny со пет врати е реалност

Долго време се слушаа гласини дека Suzuki ќе пушти изведба со 5 врати од својот хит-модел Jimny. Има и втор новитет.

Важни премиери од Suzuki на салонот на автомобили во Делхи, Индија. Прво беше претставен концептот eVX, како најава за електричниот модел за 2025 година. Денес следи уште една премиера, поточно две: Верзијата на Suzuki Jimny со 5 врати и нов СУВ-модел Fronx.

Maruti Suzuki, огранокот на јапонската компанија во Индија, уште годинава ќе ги пушти во продажба новиот Jimny во продолжената изведбата со 5 врати, како и новиот СУВ-модел Fronx. Со тоа се проширува СУВ-гамата на Suzuki во Индија на четири модели, во чекор со големиот раст во продажбата на автомобили во земјата.

Со продолжената изведба на Jimny се проширува кругот на купувачи, односно се цели на компании што имаат потреба од способно теренско возило, превоз на патници или товар до тешко достапни места. Секако дека дополнителниот простор му дава и привлечност на Jimny како семеен модел, со простор за децата и за багаж.

Петвратниот Jimny ќе се продава прво во Индија, а потоа ќе следи извоз на глобалните пазари на Suzuki. Сигурни пазари на коишто прво ќе се извезува новиот Jimny се Африка и Латинска Америка. ЕУ веројатно нема да го добие новиот модел, поради лимитот од 95 грами СО2 што го поставува Унијата, но затоа има изгледи Jimny 5-door да се најде во македонскиот ценовник на увозникот Миркат, каде што и класичниот модел со 3 врати остана во редовна понуда.

New item by Automedia MK / Google Photos

Малечкиот Jimny е „голем“ теренец. Каросеријата се потпира врз цврста носечка рамка, задната оска е крута, што значи дека може да постигнува многу поголем агол на закосување во спроедба со задна оска со независно водење. Погонот на сите тркала Allgrip Pro се разликува од оној во Vitara, меѓу другото и со можноста да се вклучи редукција. И традицијата е долга, моделското име Jimny постои во понудата на Suzuki уште од 1970 година.

New item by Automedia MK / Google Photos

Од теренските својства, со продолжувањето на меѓуоскиното растојание се менува единствено аголот на рампа. Тој изнесува 24 степени, во комбинација со клиренс од 210 mm.

New item by Automedia MK / Google Photos

Правиот агол што го сочинува рамната арматурна табла и средишната конзола има и практична функција. Овие правилни форми помагаат возачот да има точна претстава за аголот под којшто во моментот е наведнато возилото.

Моторот е ист како во Jimny 3-door, односно тоа е 1,5-литарец со 105 КС при 6.000 вртежи во минута и вртежен момент од 134,2 Nm при 4.000 вртежи.

Каросеријата е долга 3.985 mm (изведба со 3 врати: 3.480 mm, +505 mm), широка 1.645 mm и висока 1.720 mm. Меѓуоскиното растојание е продолжено на 2.590 mm (2.250 mm, +340 mm). Багажникот располага со зафатнина од 208 литри (со 3 врати: 85 литри), односно 332 литри со соборена задна клупа, сметајќи до долниот раб на прозорците.

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Suzuki Fronx

New item by Automedia MK / Google Photos

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Jeep почнува со нарачки за новиот Avenger, прв на струја

tesla гига фабрика берлин

Работниците се жалат на условите во фабриката на Tesla во Берлин