Дарко Јаконов
Suzuki годинава одбележува 100-годишнина од основањето на компанијата. Автомобилите, мотоциклите и вонбродските мотори на јапонскиот производител се дел од секојдневието и многу историски поглавја се повеќе потсетување на минатото, отколку дознавање непознати факти и информации. Затоа, овојпат следи малку поинаков пристап.
Седиштето на специјалистот за погон на сите тркала и на автомобили од мини и градската класа е во Хамамацу, во префектурата Шизуока, на пацифичкиот брег на остгровот Хоншу. Тоа е воедно и „домот“ на Фуџи, највисоката планина во Јапонија со 3.776 метри.
Во овој не толку кус преглед, го објавуваме целосниот список на сите фабрики на Suzuki во Јапонија и во светот.
Во Јапонија има пет фабрики на Suzuki
Косаи
Се наоѓа во префектурата Шизуока и покрива површина од 1.290.000 метри квадратни, од кои 473.000 m2 се под покрив. Во фабриката работат 2.400 лица, во производство на мини и компактни автомобили (Spacia, Wagon R, Alto, Hustler, Jimny, Jimny Sierra) мотори (тип R06D) и вонбродски мотори.
Косаи има највисока продукција од сите домашни фабрики на Suzuki. Годишната продукција изнесува околу 490.000 автомобили. Во посебен погон се врши пакување и испорака на готови модули за завршна монтажа на автомобили и мотоцикли во странските фабрики. Од 2018 година се произведуваат и вонбродски мотори.
Ивата
●Локација: 2500 Iwai, Iwata-shi, Shizuoka
●Вкупна површина: 298,000 m2
●Површина под покрив: 147,000 m2
●Вработени: Околу 900
●Производствена програма: Патнички автомобили, монтажа на доставни возила
(Carry, Super Carry, Every, Every Wagon, итн.)
Во Ивата главно се врши монтажа на лесни камиони, миниванови и доставни возила. Годишната продукција изнесува 210.000 возила. Возилата главно се наменети за домашниот пазар.
Сагара
●Локација: 1111 Shirai, Makinohara-shi, Shizuoka
●Вкупна површина: 1,970,000 m2
●Површина под покрив: 278,000 m2
●Вработени: Околу 1,800
●Производство: Патнички автомобили (Swift, Solio, Ignis, XBEE, итн.) и мотори за нив (K12C, K14C), ливница за компоненти за мотори, машинска обработка.
Во фабриката во Сагара се врши монтажа на автомобили за домашни и странски пазари, како и на автомобилски мотори и делови за нив. Годишната продукција во ланската фискална година достигна 250.000 возила. Голем удел во снабдувањето со електрична енергија постигнуваат фотоволтаичките панели што се поставени на голема површина на покривот на фабриката.
Хамамацу
●Локација: 8686 Miyakoda-cho, Kita-ku, Hamamatsu-shi, Shizuoka
●Вкупна површина: 177,000 m2
●Површина под покрив: 62,000 m2
●Вработени. Околи 600
●Производство: Монтажа на мотори за мотоцикли и монтажа на мотоцикли (GSX-R1000R, GSX-R1000R ABS, V-STROM 1050XT, KATANA)
Хамамацу започна со работа во 2018 година и врши монтажа на мотори и мотоцикли. Годишната продукција изнесува 95.000 мотоцикли (2019).
Осука
●Локација: 6333 Nishiobuchi, Kakegawa-shi, Shizuoka
●Вкупна површина: 151,000 m2
●Површина под покрив: 55,000 m2
●Врабтени: Околу 400
●Дејност: Ливница
Во Осука се врши изработна на алуминиумски делови за мотори за мотоцикли, автомобили и вонбродски мотори, а воедно се врши и ковање и машинска обработка на алуминиумски рамки, челични цилиндерски кошулки, суспензија и други делови.
>>> Фабрики на Suzuki надвор од Јапонија
АЗИЈА
Индија: MARUTI SUZUKI INDIA LIMITED, SUZUKI MOTOR GUJARAT PRIVATE LIMITED, SUZUKI MOTORCYCLE INDIA PRIVATE LIMITED
Пакистан: PAK SUZUKI MOTOR CO., LTD.
Кина: JINAN QINGQI SUZUKI MOTORCYCLE CO., LTD., JIANGMEN DACHANGJIANG GROUP CO., LTD., CHANGZHOU HAOJUE SUZUKI MOTORCYCLE CO., LTD.
Тајван: TAILING MOTOR CO., LTD.
Индонезија: PT. SUZUKI INDOMOBIL MOTOR
Тајланд: THAI SUZUKI MOTOR CO., LTD., SUZUKI MOTOR (THAILAND) LTD
Виетнам: VIETNAM SUZUKI CORP.
Филипини: SUZUKI PHILIPPINES INC.
Мјанмар: SUZUKI (MYANMAR) MOTOR CO., LTD.
Камбоџа: CAMBODIA SUZUKI MOTOR CO., LTD.
Лаос: SANTIPHAB SUZUKI LAO FACTORY
АМЕРИКА
САД: SUZUKI MANUFACTURING OF AMERICA CORP.
Колумбија: SUZUKI MOTOR DE COLOMBIA S.A.
Бразил: J. TOLEDO DA AMAZONIA
ЕВРОПА
Унгарија: MAGYAR SUZUKI CORPORATION
АФРИКА
Египет: SUZUKI EGYPT S.A.E.
>>> Suzuki Swift со шампионски сооднос цена-потрошувачка
