за

Suzuki направи голема рели трка во Костурско

Италијанскиот куп Suzuki Challenge ја одржа третата трка во првенството во соседна Грција, во Костурско. Jimny и Vitara покажаа зошто светот ги цени како теренци.

Италијанскиот Suzuki Challenge веројатно ќе ни останеше непознат, доколку истиот не гостуваше во минатиот викенд во соседна Грција. Трката во Рупишта донесе големи измени во бодовната листа и направи следната трка да биде уште понеизвесна, меѓутоа главниот момент беше во тоа да се видат теренските способности на Suzuki на дело.

За некои од фаворитите, трката во Грција буквално беше возење по странски терен. Тоа најмногу важи за Алфио Бордонаро, кој победи на претходната трка, Баха Рели Адријатико. Чакалот во Костурско му предизвика големи потешкотии на возачот од Катанија. Стартот на Бордонаро беше одличен, но тој се соочи со бројни технички и механички проблеми на двата долги брзинци. На крајот, тој мораше да ја прекине трката со својата Grand Vitara, пред завршната етапа.

Како што пропишуваат правилата, Бордонаро сепак успеа да го врати својот автомобил од сериско производство во трка и освои минимум бодови, со големи пенали. „Бог“ на грчката трка беше Мауро Кантарело, од Ровиго, кој имаше одлична поддршка од совозачот Федерико Лези. Нивната Suzuki Grand Vitara постојано беше во водство, со исклучок на воведниот брзинец, кога водеше Бардонаро. Додека сите натпреварувачи беа во голема неизвесност околу пласманот, Кантарело извозе релативно релаксирано до целта и постигна вкупно време од 7 часа 49 минути и 27 секунди.

Второто место им припадна на Лоренцо Кодека и Мауро Тофоли, кои релито го извозеа комотно, без да му направат ниту една гребнатинка на Suzuki Jimny. Нивното рамномерно темпо им донесе крајно време од 8 часа 20 минути и 23 секунди. Поранешниот италијански шампион очигледно се снаоѓа одлично зад воланот на Suzuki.

New item by Automedia MK / Google Photos

Браќата Џовани и Франческо Фарина трети ја минаа целната линија на грчкиот „челинџ“, со време од 8 часа 53 минути и 52 секунди. Тие ја извозеа својата Suzuki Vitara со најдобро време го групата TH.

По повеќе од 9 часови во трка (9:27’50”), Џузепе Ананасо ја заврши третата етапа на Suzuki Challenge на четвртото место. Римјанинот, заедно со совозачот Роберто Иба, дома во Италија ќе донесат второ место во групата TH и четврто место во Challenge. Нивната Vitara уште гризе одлично.

New item by Automedia MK / Google Photos

New item by Automedia MK / Google Photos
New item by Automedia MK / Google Photos
New item by Automedia MK / Google Photos

New item by Automedia MK / Google Photos

New item by Automedia MK / Google Photos

 

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

One Comment

Одговори

One Ping

  1. Pingback:

Напишете коментар

Вашата адреса за е-пошта нема да биде објавена.

Најдобрите автомобилистки во светот му ја разубавеа годината на Peugeot 308

Специјалните серии се специјалност на Citroen: C3 Aircross Rip Curl