за

Многу бои во внатрешноста на новата Škoda Fabia

Дизајнерите на Škoda покажаа со внатрешноста на Octavia дека тоа е подрачјето што во моментов ги предизвикува најмногу. Има цртежи од новата Fabia.

Четвртата генерација на Škoda Fabia го продолжува започнатото со Octavia во поглед на кокпитот. Чесите ветуваат подобро просторно чувство, свежи бои и технологии од поголемите модели.

Škoda открива нови детали за новата Fabia и со цртежот на внатрешноста најавува што може да се очекува кај новиот модел. Во кабината на популарниот градски автомобил – и најважно, наследник на нам во Македонија одлично познатите бестселери Favorit и Felicia – се најавува уште повеќе простор и подобро чувство за просторност, заедно со свежи бои. Премиерата е планирана за почетокот на мај.

Четвртата генерација на Fabia првпат ја користи платформата MQB-A0 на концернот Volkswagen. Тоа прави возилото да биде подолго и пошироко од претходниците. Кокпитот е изведен симетрично, со средишно поставен дисплеј што стои слободно на арматурната табла. Со украсна лајсна во ефектна боја се нагласува ширината на кабината.

Од Octavia е познато дека карактерната линија под дисплејот верно ја следи линијата на маската на Škoda. Нагласок во внатрешноста ставаат и тркалезните отвори за воздух лево и десно, исто како и украсите во средишната конзола и хромираните рачки за отворање на вратите со нов дизајн. Слично како кај новиот Mercedes C-Class, повеќе нема вертикален дел од потпирачот за рака во вратата, што продолжува нагоре и непотребно го стеснува просторот.

На цртежот се забележува и голем дисплеј на местото на класичните инструменти, со неколку можности за возачот да го избере приказот во нив, познато од поголемите модели на Škoda.

>>> Škoda Fabia во дизајнерски скици пред премиерата

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Peugeot e-2008 најдобар кросовер на струја според Топ Гир

Golf прв во март, Peugeot 208 прв од јануари до март