за

Škoda започна со сериско производство на електричниот Enyaq

Во пренамената на производствената линија за Škoda Enyaq се вложени 32 милиони евра.

Škoda започна со сериско производство на електричниот Enyaq

Секој ден ќе се изработуваат до 350 примероци од електричната Škoda Enyaq, на иста линија со Octavia и Karoq.

Денес започна сериското производство на Enyaq iV во матичната фабрика на Škoda во Млада Болеслав. Целосно електричниот СУВ е прв модел на Škoda што ја користи платформата за електрични модели MEB (Modularer ElektrifizierungsBaukasten или систем од заеднички компоненти за возила со електричен погон) на концернот Volkswagen.

Чешката фабрика е единствена во целиот производствен систем на концернот, во којашто на една производствена линија се изработуваат и модели со обичен погон врз платформата MQB и модели со електричен погон врз платформата MEB. Тоа беше посебен предизвик за инженерите во Млада Болеслав.

За двата погонски различни концепти на возила да се произведуваат на иста лента, Škoda вложи 32 милиони евра во приспособување на производството. Предизвикот беше во тоа да се обезбеди доволно цврста статика на самиот објект, за манипулирање со тешките батерии, како и машините да се приспособат со истата цел. Во исто време се работеше и на безбедност во работата со батериите, меѓу другото и инсталација на термални камери.

Skoda Enyaq iV премиера

Škoda Enyaq ќе се нуди со заден или со погон на сите тркала. Во кабината масивно се користат материјали од обновливи избори, а возилото располага и со напредни системи за асистенција. Купувачите ќе имаат и избор меѓу три големини на батерија и пет варијанти на моќност.

Во двете најсилни варијанти се вградува електромотор и на предната оска. Со најголемата батерија, Škoda Enyaq ќе може да вози до 536 километри до следниот полнач. Чешката марка воведе и сосем нов начин на конфигурирање на возилото, со однапред скроени пакети. Тоа се очекува да влијае позитивно во одреден дел и врз цената на возилото.

>>> Škoda Enyaq iV ја поместува целата марка понапред

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Најголеми пет грешки што му штетат на акумулаторот

Најголеми пет грешки што му штетат на акумулаторот

Кусо пред да се реши тековното првенство, Toyota го пушта GR Yaris Rally Concept како ново возило во WRC 9, официјалната игра што го придружува светскиот рели шампионат. Секој може да стане светски шампион во рели со новата Toyota GR Yaris Rally Concept. Вистина е дека станува збор само за видеоигра, но титулата никој не може да ја оспори. Овој прототип ќе биде достапен во декември во „WRC 9“, официјалната игра што е дел од светското првенство во рели WRC. Возилото за видеоиграта е изработено од прочуените Nacon. Тоа гарантира дека љубителите на мотоспортот и на видеоигрите ќе имаат одлична можност на сопствена кожа да ја доживеат возбудата во релито. Возењето Toyota во рели е голема работа, покрај долгата историја на успеси во оваа категорија на мотоспортот. Предизвикот да се освои првенството е уште поголем, имајќи предвид дека во декември претстои разрешницата во светското првенство во рели. Toyota Gazoo Racing во италијанската Монца ќе се бори и за титула во конкуренција на производители, и за возачка титула. Елфин Еванс моментно води со 14 бодови пред својот тимски колега Себастиен Огие. Toyota GR Yaris во неговото „вистинско“ издание е комплетно нова конструкција, со платформа што е комбинација од GA-B на новиот цивилен Yaris и од GA-C од поголемата Corolla. Делови од каросеријата се израсботени од алуминиум, покривот е дури од карбон. Моторот е 1,6-литарски турбо со 261 КС и со карактер што е типичен за релито, односно со моќно ослободување њутнметри уште при ниски вртежи. Конкретно станува збор за 360 Nm. Спринтот до темпо сто трае само 5,5 секунди, крајната брзина е ограничена на 230 km/h. Тежината е релативно ниска и изнесува 1.280 килограми. Погонот е на сите тркала, со можност за избор на повеќе програми за возење, вклучувајќи и дрифт-програма. Заедно со Toyota GR Yaris Rally Concept, во видеоиграта се појавуваат уште Toyota Yaris WRC 2020 и легендарната Toyota Corolla WRC од 1999 година, кои веќе подолгто време се дел од „WRC 9“

Секој може да биде рели-шампион со Toyota Yaris во WRC9