Сикст ги исклучува батериските електрични возила Тесла од својот возен парк за рентакар, поради тоа што големите попусти што Тесла ги направи во изминатава година влијаеја силно врз вредноста при препродажба на возилата од возниот парк на најголемата компанија за рентакар во Европа.
Поскапите трошоци за поправка на електричните автомобили на Тесла, во споредба со моделите со обичен погон, се надоврзуваат на проблемот што возилата не може да се препродадат по очекуваната цена. Тоа го наведува Сикст во пораката до своите клиенти, во којашто имаше увид Блумберг Њуз.
Компанијата сепак останува на намерата, за 90 проценти од својот возен парк во Европа, до завршетокот на деценијава, да го сочинуваат електрични автомобили, кажуваат од Сикст.
Агресивните попусти на Тесла извршија силен притисок врз производителите на електрични возила во светски рамки. Компанијата од САД бара начини да го задржи владеењето со пазарот на електрични возила, во време кога зајакнува конкуренцијата.
Херц Глобал Холдингс во октомври посочи дека ценовните попусти на Тесла довеле до тоа вредноста на возилата при нивна препродажба да се скуси за една третина. Тоа води кон голема загуба на компанијата.
Забавената побарувачка за електрични возила во изминативе неколку недели предизвика одреден број производители на автомобили да ги ублажат своите стратегии за преоѓање во ерата на електричниот погон.
🚨The car rental company Sixt is phasing out Tesla electric cars from its fleet due to low resale values.
Even rental companies are realising that EVs struggle with resale value. #ScrapTheICEBan
🗞https://t.co/lMkJurVRmw pic.twitter.com/nGCAHrgGPq
— Alliance of British Drivers (@ABDcampaign) December 4, 2023
Џенерал Моторс посочи дека ќе размислат повторно околу своите цели, откако се покажа дека побарувачката е под очекувањата. Концернот Фолксваген исто така ја скуси продукцијата на своите електрични автомобили во фабриките во Германија.
