Концернот на Peugeot и Fiat ќе направи глобален гигант од Share Now, компанија што конкурентите Mercedes-Benz и BMW ја основаа заеднички, со цел да бидат посилни во бизнисот со car-sharing, односно со услугата на изнајмување автомобил директно на улица.
Договорот за преземање на Share Now веќе е потпишан, но истиот вклучува и параграф што предвидува задржување тајност околу деталите на зделката. Останува уште да се изјаснат институциите против картелско здружување.
Преку продажбата на заедничката посестринска компанија за car-sharing, премиум производителите Mercedes-Benz и BMW ќе можат да се посветат повеќе во својата заедничка компанија Charge Now, што нуди услуги за полнење на електрични автомобили. Исто ќе се вложува и во апликацијата за мобилност Free Now, којашто преку партнерите Sixt, Miles, но и самиот Share Now, им нуди на корисниците пристап до 180.000 возила во повеќе од 150 градови, како и е-скутери, е-велосипеди, шоферска служба и такси.
Корисниците бараат преку една мобилна апликација да можат да избираат меѓу најширок дијапазон на услуги за превоз и да изберат кој вид на превоз им одговара најмногу во моментот, за од точка А да стигнат до точка Б. „Новата поставеност ни овозможува побрзо да ги степенуваме нашите активности, а тоа ни овозможува и во најкусо време да постигнеме натамошен профитабилен раст“, изјави Рајнер Фојрер, менаџер во BMW.
https://twitter.com/ShareNow_global/status/1496469904500813827?s=20&t=jrA6yich_JhzdfjMDqwVgA
Полнењето на електричните автомобили и платформите што нудат повеќе видови на мобилност се две клучни деловни полиња со голем потенцијал за раст. Free Now во минатата година постигнал речиси трикратно зголемување на бројот на трансакции, а во оваа година во платформата ќе се вклучат десет нови партнери. Charge Now преку компанијата DCS нуди пристап до 300.000 станици со полначи во Европа, вклучувајќи и плаќање на полнењето на батеријата на електричните автомобили.
With over 137K charging points across Europe, there is no reason to worry about not having a home charger.
It is now more convenient than ever to simply plug in and charge your #EV when parking.
Find a charger near you: https://t.co/ecxS6kUl4n pic.twitter.com/NYat3nCKTw— CHARGE NOW (@chargenowglobal) May 2, 2022
Share Now е формиран во 2019 година, со здружување на car-sharing платформата car2go на Daimler, со платформата Drive Now на BMW. Тоа се случи по една година, откако Sixt му го продаде својот удел од 50 проценти во Drive Now на партнерот BMW, по цена од 209 милиопни евра. Заедничката компанија не работеше профитабилно и по кусо време се повлече од САД, Лондон, Брисел и други градови.
Stellantis планира со car-sharing да постигне промет во висина од неколку милијарди евра годишно
Според Mercedes-Benz и BMW, компанијата Free2move на Stellantis, со преземањето на Share Now добива можност да ја унапреди услугата на Carsharing ширум Европа. Во Mercedes-Benz ценат дека услугата на Carsharing ќе продолжи да биде „важен составен дел од урбаната мобилност и во Free Now ќе биде значаен елемент во понудата од услуги за мобилност“.
https://twitter.com/Free2Move/status/1521370385215893504?s=20&t=jrA6yich_JhzdfjMDqwVgA
Од концернот Stellantis, со 14-те марки, предводени од Peugeot, Fiat, Citroen и Opel, порачуваат дека преземањето ќе води кон значително унапредување на бизнисот. На нивните 2 милиони постоечки корисници на Free2move, сега им се придружуваат уште 3,4 милиони корисници. За 2020 година се предвидува промет од 2,8 милијарди евра, односно 700 милиони евра веќе во 2025 година. Седиштето на концернот Stellantis се наоѓа во Амстердам.
Будимпешта доби 240 возила BMW и Mini за изнајмување на улица
