за

Seat и Шпанија планираат изградба на фабрика за батерии

Во близина на фабриката на Seat во Марторел се планира изградба на фабрика за батерии, државата ќе ја поттикне изградбата со субвенции.

Шпанските власти ќе учествуваат во изградбата на заедничката фабрика за батерии на производителот на автомобили Seat и на компанијата за енергетика Iberdrola. Тоа го најави министерката за индустрија Реиес Марото.

Првата фабрика од овој вид во четвртата најголема економија во еврозоната ќе се гради во близина на седиштето на Seat во Марторел, во подрачјето на Барселона. Министерката Марото го изјави тоа пред медиумите на настан во Мадрид.

Државата сака својот дел од инвестицијата, чијшто вкупен износ не се наведува, да го покрие со средства од програмата Next Generation на ЕУ, којашто е наменета за развој на стопанството по корона-пандемијата. Најавата беше дадена ден пред планираната денешна посета на фабриката на Seat во Марторел, од страна на шпанскиот премиер Педро Санчез и кралот Фелипе.

>>> Тест: Seat Leon 1.5 eTSI FR

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Honda го подигнува автопилотираното возење за едно ниво

Петнаесет милиони автомобили од фабриката на Škoda