за

Ролс-Ројс Кулинан го подмладе составот на купувачи на ултралуксузната марка

Кулинан, именуван по најскапиот дијамант што постои, и натаму користи 6,5-литарски Ве-12 со твин-турбо натполнење.

Носот сега има поости линии, придружени со нов изглед на светлата и осветлена маска.

Пет и пол метарскиот кросовер Ролс-Ројс Кулинан е главен двигател на растот во продажбата на британската ултралуксузна марка во САД и на останатите клучни пазари. За 2025-то моделско годиште, скапоценото парче автомобил претрпе неколку измени.

Кулинан Серија 2 има поостри линии во носот, заедно со нов изглед на светлата, осветлена маска и тркала од 23 инчи.

Во внатрешноста е главен дигиталниот интерфејс, наречен Спирит, што Британците првпат го вградија во електричното купе Спектр.

Ролс-Ројс ќе пушти во продажба и изведба што спаѓа во понудата возила Блек Беџ. Тоа е подмарка на Ролс-Ројс, што се издвојува уште повеќе со перформансите и со стилот – наменета повеќе за помладите купувачи, што сé почесто се јавуваат како клиенти.

Кулинан и натаму ќе користи 6,75 литарски твин-турбо мотор Ве-12.

Ролс-Ројс го лансираше Кулинан кон завршетокот на 2018 година и уште веднаш постигна голема побарувачка за моделот. Клиентите чекаат со месеци за нивниот автомобил да се испорача. Фабриката во Англија работи под полна пареа.

Британската ултралуксузна марка тврди и дека Кулинан е заслужен за спуштањето на просечната возраст на добро нафатираните купувачи, од кои повеќето се славни личности.

Наспроти просекот од 56 години во 2010, сега просечниот сопственик на Ролс-Ројс е на возраст од 43 години.

„Кулинан привлече сосем нов круг купувачи во Ролс-Ројс и целосно ги смени гледиштата на тоа што претставува автомобил Ролс-Ројс, и на тоа што автомобилот може да му значи на сопственикот“, порачува Крис Браунриџ, новиот извршен директор на Ролс-Ројс. „Кулинан Серија 2 е создаден за да продолжи да гради врз тој успех.“

Продажбата на Ролс-Ројс во 2023 година достигна 6.032 возила, што е рекорд за марката. Во 2018 година, производителот на скапоцени автомобили продаде 4.107 возила.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Киа ЕВ3 е можно да се произведува во Словачка

Ферари ја качи добивката со ист број продадени возила