Мате Римац беше голема ѕвезда на настанот што во почетокот на јануари се одржа во Молсхајм. Хрватот направи ретроспектива на марката Бугати во 2024 година, кога марката меѓу другото славеше стогодишнина на Тип 35, најуспешниот тркачки автомобил на сите времиња.
Римац предвидуваше ветувачка иднина за компанијата и за следниот старт со новиот хиперавтомобил Турбијон. Тој ги цени болидите на Бугати како бескомпромисен стремеж за луксуз, елеганција и моќ. „Стремеж, што сакаме да го продолжиме во новата ера на Бугати со нашите автомобили, вон границите на автомобилскиот свет.“
На хрватскиот претприемач на свои 37 години му претстои уште многу работа со Бугати-Римац. Тој поседува 55 проценти од акциите на компанијата, а остатокот му припаѓа на Порше.
Според повеќе објави во медиумите, Римац планира преку инвеститор да ги купи акциите на Порше, со цел да преземе целосна контрола врз заедничката компанија. Во меѓувреме, се чека финансиерот да ја даде првата понуда.
Загубата изнесува 152 милиони евра
Според информациите на германски медиуми, компанијата вреди над една милијарда евра. На Порше ќе му бидат добредојдени близу половината милијарда евра.
Производителот на спортски автомобили ја откажа стратегијата за целосно преоѓање на електричен погон и во следните години ќе произведува повеќе автомобили со мотор со внатрешно согорување. За тоа се потребни многу пари и Порше мора да се подложи на строго штедење. Се очекува маржата да биде смалена во 2025 година.
Се поставува прашање дали Бугати навистина вреди милијарда евра. Бугати во моментов нема добри карти. Како што стои во извештајот на Порше за 2024 година, заедничката компанија со Римац ја заврши годината со промет од 182 милиони евра и загуба од 152 милиони евра.
На тоа се приклучуваат краткотрајни замени во висина од 752 милиони евра. Реалната вредност на уделот на Порше вреди 131 милиони евра.
Разновидни поврзувања
Компанијата што произведува помалку од 100 возила во годината и вработува 900 лица, сепак има добри изгледи. В година почнува испораката на Турбијон, хиперавтомобил со хибриден погон со моќност од 1.600 КС и вредност од најмалку 3,8 милиони евра, без посебни желби.
Сите 250 планирани примероци веќе имаат купувач. Со тоа е гарантиран промет во висина од една милијарда евра. Во моментов се работи и на серијата Мистрал од времето на 16-цилиндарците на Бугати. Очекувањата се дека 2025 година ќе биде успешна.
[the_ad id=”85764″]
Заедничката компанија беше основана во 2021 година со двете марки Бугати и Римац. Голем удел во акциите на хрватската компанија има поранешниот директор за финансии на Порше, Луц Мешке. Покрај тоа, Порше поседува 21 проценти од акциите на Римац Груп, матичната компанија на хрватскиот претприемач Мате Римац.
Римац и Порше се поврзани и со испораката на компоненти. Хрватите, меѓу другото, ја монтираат батеријата за Порше 911 ГТС, којшто има хибриден погон.
Порше верува дека постои потенцијал
Иако постојат силни врски, соработката запнува. Порше негодува поради лошите финансии под раководство на Римац. Бугати потрошил многу пари. Очигледно е дека двете страни се незадоволни, затоа што Порше уште лани покажа намера да ја преиспита сопственоста.
Извесно е дека штутгартската марка на концернот Фолксваген има намера да го преземе раководството во Молсхајм, поради долгата заедничка историја на Бугати и концернот. Се шпекулира и дека понудата од страна на Мате Римац е тактички чекор, за да се зголеми вредноста на компанијата.
Се очекува дека веќе во следните недели ќе биде решен победникот во наддавањето.
